КДБ на некалькі гадзін блакаваў у Беларусі «Укантакце». А пасля ўсё адкруцілі
Сацсетка з'явілася ў спісе рэсурсаў з абмежаваным доступам sod.belgie.by.
Рашэнне аб блакіроўцы «Укантакце» ўвечары 24 кастрычніка прыняў КДБ.
«24 кастрычніка 2025 года на падставе прадстаўлення Камітэта дзяржаўнай бяспекі доступ да інфармацыйнага рэсурсу абмежаваны. Працягласць абмежавання на дадзены момант невядомая. Ідэнтыфікатар рэсурсу: https://vk.com», — паведаміў БелДІЭ.
Доступ быў абмежаваны да desktop-версіі. Мабільны дадатак працягваў працаваць.
Блізкія да сілавікоў каналы перасварыліся, высвятляючы, што стала прычынай інцыдэнту. Адныя казалі пра тэхнічную памылку, іншыя настойвалі, што разблакіроўка адбудзецца толькі пасля таго, як расійская сацсетка выканае нейкае патрабаванне беларускіх уладаў.
Праз некалькі гадзін блакіроўка была знятая.
Кіраўнік расійскага холдынгу VK — Уладзімір Кірыенка. Гэта былы віцэ-прэзідэнт «Растэлекома» і сын першага намесніка кіраўніка Адміністрацыі Пуціна Сяргея Кірыенкі.
Цяпер чытаюць
«Мы даём Штатам тое, што яны хочуць». Расійскі канал апублікаваў відэа, якое называюць запісам Рыжанкова схаванай камерай у машыне17
Каментары