Paśla vykradańnia kaštoŭnaściej z Łuŭra, jaho skarby schavali ŭ padziemnym schoviščy Banka Francyi
Na takija biesprecedentnyja miery biaśpieki kiraŭnictva muzieja pajšło paśla dziorzkaha hrabiažu, kali złačyncy za niekalki chvilin vynieśli z Łuŭra kaštoŭnaści na sumu kala 88 miljonaŭ jeŭra. Ciapier častka kaštoŭnaściej muzieja zachoŭvajecca pobač z załatym zapasam krainy.
Jak paviedamlajuć RTL i BFMTV, častku kalekcyi — u tym liku karaleŭskija ŭpryhažeńni z Halerei Apałona — pad uzmocnienaj achovaj palicyi pieravieźli ŭ schoviščy Banka Francyi, raźmieščanyja na hłybini 26 mietraŭ. Mienavita tam zachoŭvajecca kala 90 % załatoha zapasu krainy, piša vydańnie Bild.
Krynicy adznačajuć, što taki pieranos — biesprecedentnaja miera biaśpieki. U tym ža schoviščy ŭžo znachodziacca i znakamityja zapisnyja knihi Leanarda da Vinčy, acenienyja bolš čym u 600 miljonaŭ jeŭra. Jakaja mienavita častka juvielirnaj kalekcyi była pieramieščana, u muziei nie ŭdakładniajuć.
Rabavańnie adbyłosia ranicaj 20 kastryčnika kala 9:30. Pavodle źviestak Libération, čaćviora ŭzbrojenych i zamaskiravanych hrabiežnikaŭ pranikli ŭ muziej praz šklanyja dźviery, što trapili ŭ «miortvuju zonu» sistemy videanazirańnia. Usiaho za niekalki chvilin jany, skarystaŭšysia padjomnikam, škłarezami i bienzapiłami, uzłamali vitryny i ŭciakli na matarolerach.
Skandał vyklikaŭ vostryja pytańni da sistemy biaśpieki Łuŭra: na źniešnim pierymietry daŭžynioj 1,3 kiłamietra dziejničała ŭsiaho piać kamier, pryčym častka ź ich nie pracavała. Pakul što złačyncy zastajucca na voli, a francuzskaja palicyja pryciahnuła da rasśledavańnia śpiecyjalistaŭ ź Izraila i praviaraje mahčymuju datyčnaść adnaho z supracoŭnikaŭ muzieja.
Abrabavany Łuŭr
Nieacennyja kaštoŭnaści skradzienyja za 7 chvilin. Novyja padrabiaznaści abrabavańnia Łuŭra
Jak vyhladaje halereja Apałona, jakuju abrabavali ŭ Łuŭry VIDEA
Duraŭ prajšoŭsia pa Francyi i prapanavaŭ vykupić vykradzienyja z Łuŭra kaštoŭnaści
Škodu ad skradzienych z Łuŭra kaštoŭnaściaŭ acanili ŭ 88 miljonaŭ jeŭra
Francyju nakryła cełaja epidemija rabavańniaŭ muziejaŭ
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia18
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary
Tamu što rabaŭnictva - inside job. Saŭdzielnik supracoŭnik muzieja byŭ na suviazi z rabaŭnikami. Kiraŭnictva, u baraćbie za inkluziŭnaść, zrabiła pieratrach piersanała i nabirali ludziej biez pravierki na kryminalnyja suviazi.
Vitryny kiraŭnictvam byli źmienieny z pafasnaha ampira (a taksama z braniravanym škłom i patajemnymi jomistaściami, kudy padajuć kaštoŭnaści ŭ vypadku ŭzłomu), na bazavyja, jak va ŭsich. Tamu što treba iści ŭ nohu z časam.
Režym pracy achoŭnych sistem inkluziŭnaja staršynia achovy taksama vyrašyła nia treba praviarać rehularna, bo napeŭna jość bolš važkija iventy i imprezy ŭ jaje žyćci.
Karaciej pakazušnaść, chałatnaść i bardak, pamnožanyja na zły namier = złačynstva dziesiacihodzia.