Z 1 sakavika ŭ bolšaści biełaruskich abłaściej pačnie dziejničać zabarona na łoŭlu ščupakoŭ. Jak paviedamili ŭ Dziaržaŭnaj inśpiekcyi achovy žyviolnaha i raślinnaha śvietu, abmiežavańnie budzie dziejničać da 15 krasavika i źviazana z pačatkam viesnavoha nierastu.
U hety pieryjad ryba asabliva ŭraźlivaja, tamu jaje vyłaŭ moža nanieści škodu papulacyi.
Zabarona z 1 sakavika da 15 krasavika raspaŭsiudžvajecca na Bresckuju, Homielskuju, Hrodzienskuju, Mahiloŭskuju i Minskuju vobłaści. U Viciebskaj vobłaści terminy krychu inšyja — z 9 sakavika da 23 krasavika.
Kali ščupak vypadkova trapić u sietku ci na kručok padčas zabarony, jaho nieabchodna nieadkładna adpuścić u tuju ž vadu, dzie jon byŭ złoŭleny.
Za parušeńnie pravił praduhledžvajecca administracyjnaja adkaznaść. Sumy štrafu składajuć ad 10 da 30 bazavych adzinak, što ekvivalentna sumie ad 450 da 1350 rubloŭ.
Ciapier čytajuć
Toj samy masažyst raskazaŭ, navošta zdymaŭ hołych klijentak25
Kamientary