Nieacennyja kaštoŭnaści skradzienyja za 7 chvilin. Novyja padrabiaznaści abrabavańnia Łuŭra
7 chvilin spatrebiłasia złačyncam, kab abrabavać Łuŭr — Le Parisien daje novyja padrabiaznaści nadzvyčajnaj kryminalnaj padziei.
7 chvilin spatrebiłasia złačyncam, kab abrabavać Łuŭr, paviedamlaje Le Parisien, spasyłajučysia na słovy ministra ŭnutranych spraŭ Łarana Nuńjesa.
Pavodle vydańnia, rabaŭniki vykarystoŭvali aŭtavyšku i vyrazali vokny bałharkaj. Jany pranikli ŭ halereju Apałona praz budynak, dzie prachodzili budaŭničyja raboty.
Ministarka kultury Rašyda Daci, kamientujučy zdareńnie, skazała pra apieracyju, praviedzienuju «prafiesijanałami» za «čatyry chviliny». Pavodle jaje słoŭ, ich zdabyča «absalutna biascennaja».
Papiarednie, złačyncy skrali dzieviać pradmietaŭ z kalekcyi juvielirnych vyrabaŭ Napaleona. Siarod inšaha skradzieny karali, broška i dyjadema ź impieratarskaj kalekcyi. Pavodle vydańnia, «Rehient», najbujniejšy i samy kaštoŭny bryljant u kalekcyi vahoj bolš za 140 karataŭ, nie byŭ skradzieny. «Rehient» źjaŭlajecca adnym z centralnych ekspanataŭ halerei Apałona, jakaja i była abrabavanaja.
Złamanaja karona impieratrycy Jaŭhienii, vyrablenaja śpiecyjalna dla žonki Napaleona III, była znojdziena paškodžanaj na vulicy niepadalok ad muzieja.
Mer Centralnaha rajona Paryža Aryel Viejl zajaviŭ, što byŭ uražany złačynstvam. «Vidavočna, što my znachodzimsia ŭ «Arsienie Lupenie». Da hetaha času heta byŭ scenar filma. Ciažka ŭjavić, što tak lohka abrabavać Łuŭr», — skazaŭ jon.
«Niečakanaje zakryćcio hetaha miesca stvaraje surjoznuju prablemu dla hramadskaha paradku», — dadaŭ jon.
Surazmoŭcy vydańnia narakajuć, što MUS Francyi nie pačuŭ papiaredžańni supracoŭnikaŭ Łuŭra nakont niedastatkovaj biaśpieki. 16 červienia muziej začyniaŭsia na niekalki hadzin z-za strajku supracoŭnikaŭ, jakija papiaredžvali pra niedachop piersanału dla zabieśpiačeńnia biaśpieki.
Nabiarežnaja kala muzieja pierakrytaja dla ruchu i ačeplena pravaachoŭnymi orhanami. Sam muziej začynieny dla naviedvalnikaŭ. «Muziej siońnia budzie začynieny pa vyklučnych pryčynach», — napisana ŭ akaŭncie Łuŭra.
Złačyncaŭ šukajuć.
Jak vyhladaje halereja Apałona, jakuju abrabavali ŭ Łuŭry VIDEA
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy71
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi3
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca1414
Kamientary