«Abarončy džychad zachoplivaje Tatarstan». Niekali libieralnaja žurnalistka Łatynina parazvažała, jakoj była b Rasija biez Pucina

«Voś ja padumała: nam kažuć, što kali b nie Pucin, to Rasija b užo daŭno była ŭ Jeŭropie, i ŭsio było b jak u 90-ch, tolki lepš.

Voś ja i padumała: a jak jano b było?

A tut i ŭjaŭlać nie treba. Dosyć pahladzieć na susiedniuju Ukrainu. I ekstrapaliravać, z ulikam rasijskaj śpiecyfiki, niekatoryja tendencyi. Demakratyja: tak. Bolš-mienš svabodnyja vybary, kali falsifikacyi — to tolki na miascovym uzroŭni.

Svabodnaja presa: tak. Svabodny vyjezd, rachunki ŭ zamiežnych bankach, nijakich prablem: tak.

Akramia hetaha: tatalny, absalutny razvał dziaržavy. FSB, MUS, FSA, prakuratura, pieratvoranyja ŭ pryvatnyja hiercahstvy, jakija kryšujuć biznes, varahujuć adno z adnym i viaduć samastojnuju palityku až da źniešniaj. Sudy, u jakich možna vyrašyć usio za hrošy.

Ułada bandytaŭ u hihanckich maštabach. Biznes, jaki vymušany albo pieratvarycca ŭ aliharchaŭ — heta značyć adhadavać vializny administracyjny składnik, jaki pierakidvaje bandytaŭ, albo jaho adrejdziać na kožnym pavarocie, albo jaho prosta adstralajuć bandyty.

Padatki nichto nie płacić. Biznes žyvie ŭ režymie źbiralnictva i palavańnia. Zarabiŭ — i vali z hetaj krainy.

Čačnia niezaležnaja. U joj — isłamski chalifat. Zachodnija partniory skazali, što jany, kaniečnie, nie buduć bambić Maskvu, jak Biełhrad, ale voś kali b Maskva znajšła ahulnuju movu z zmaharami za svabodu i zaklučyła mir, heta było b pravilna zrazumieta. Tamu Čačnia niezaležnaja, i isłamski chalifat viadzie abarončy džychad za vyzvaleńnie ŭsiaho Paŭnočnaha Kaŭkaza. Libieralnaja presa piša pra žach akupacyi i nastojvaje, kab rasijskija kałanizatary pavinilisia i syšli z Dahiestana, Karačajeva-Čarkiesii i Kabardy.

Jany sychodziać, i tut pačynajecca džychad za vyzvaleńnie Krasnadarskaha i Staŭrapolskaha kraju ad ułady niaviernych. Libieralnaja presa piša pra žach čarkieskaha hienacydu. U Krasnadary i Staŭrapolli, i Maskvie vybuchajuć śmiarotniki. Zachodnija partniory paviedamlajuć, što jany, kaniečnie, nie mohuć cisnuć na Maskvu, ale jany b pastavilisia z razumieńniem, kali b rasijskija ŭłady sastupili hetyja rehijony zmaharam za svabodu.

U Dahiestanie ŭ parłamiencie daŭno pieramahła bolšaść džychadzistaŭ, i jany prahałasavali za vychad sa składu RF. Pa ščaślivaj vypadkovaści, hetyja ŭmieranyja musulmanskija aktyvisty atrymali kala 40 młn. dał. hrantaŭ ad NED i USAID. Kryvavyja kałanizatary pasprabavali było apratestavać vyniki vybaraŭ, ale byli źmiecieny raptoŭna ŭspychnuŭšym majdanam. Libieralnyja ŚMI, usie, jak adzin, napisali: «Ruki preč ad demakratyčnaha vybaru Dahiestana».

Ukraina — daŭno ŭ NATA, i derusifikacyja Paŭdniovaha Uschodu zavieršana. Ludzi, jakija nie havorać pa-ŭkrainsku, pazbaŭleny prava hołasu. U libieralnych ŚMI pišuć pra haładamor, jak metanakiravanaje źniščeńnie ŭkraincaŭ, i asudžajuć rasijskaje pierapisvańnie historyi, zhodna ź jakim spradviečna ŭkrainski horad Adesu zasnavała Kaciaryna.

U Kałmykii raźvivajecca mahutny ruch za niezaležnaść. Jaho aktyvisty atrymali ad abaroncaŭ demakratyi z USAID 50 młn. dał. Taki ž ruch u Inhiermanłandyi. Aktyvisty Inhiermanłandyi abiacajuć, što jak tolki Inhiermanłandyja vyjdzie sa składu pamirajučaj Rasii, u joj buduć jeŭrapiejskija piensii, jeŭrapiejskija pašparty i jeŭrapiejski ŭzrovień dabrabytu. Takija ž ruchi raźvivajucca ŭ Mardovii i Udmurcii.

Abarončy džychad zachoplivaje Tatarstan. Na vulicach usio bolš žančyn u nikabach. Źjaŭlacca bieź nikaba niebiaśpiečna — mohuć parezać. Aktyvistki fieminisckich maskoŭskich arhanizacyj, jakija finansujucca USAID, pravodziać mahutnuju kampaniju na temu «ruki preč ad nikaba; nikab — heta svabodny vybar». Na vybarach u parłamient Tatarstana isłamisty z treskam pralatajuć, nie nabraŭšy i dvuch pracentaŭ hałasoŭ, ale aktyvisty abjaŭlajuć vybary padroblenymi.

Pa vulicach Kazani niasiecca šmattysiačny natoŭp moładzi, jaki źmiataje ŭsio na svaim šlachu. NYT piša pra svabodny vybar naroda Tatarstana. Rasijskija NKA i niezaležnaja libieralnaja presa surova asudžajuć umiašańnie ŭład u vybary i vitajuć tatarski Majdan. «Nie śmiejcie pracivicca vybaru naroda» — śćviardžajuć jany.

Mihrantam u Rasii dajuć usie tyja ž pravy, što hramadzianam, i płaciać dapamohi. U Maskvie budujuć 2000‑nuju miačeć.

Sama Maskva pieratvarajecca ŭ horad čaćviortaha śvietu. U joj zatory, jak u Kairy. Luby kvadratny santymietr u centry zabudavany. Vada, z-za razvalenych kamunalnych sietak i ščylnaści zabudovy, nie padymajecca vyšej za 4‑y pavierch, napružańnie ŭ sietcy zamiest 220 — 180 volt.

Na całkam svabodnych vybarach mera Maskvy bałatujecca Zachran Mamdanajeŭ. Jon abiacaje ŭsim maskvičam biaspłatnaje sacyjalnaje žyllo, biaspłatny transpart i try tysiačy miačeciaŭ. Jon pieramahaje na vybarach.

Reštki prafiesaraŭ, vučonych, i prosta razumnych ludziej, jakija jašče nie źjechali z Maskvy, biahuć u Sankt-Pieciarburh, jaki stanovicca hałoŭnym horadam svabodnaj Inhiermanłandyi.

Ale tak, poŭnaja demakratyja. Poŭnaja svaboda presy. I absalutny tryumf ludziej dobraj voli.

Ja, kaniečnie, zhuščaju farby. Ale…»

• 6
• 0
• 30
• 40
• 3
• 0
• 6
• 0