Adnapakajoŭki ŭ Minsku praktyčna dahnali pa canie dvuchpakajoŭki
Adnapakajovyja kvatery pa košcie maksimalna nablizilisia da dvuchpakajovych, a za roźnicu ŭ canie ŭ paraŭnańni z pačatkam hoda možna nabyć kvateru ŭ rehijonie.
Pra tendencyi na rynku nieruchomaści ŭ Minsku piša Realt.
Prodažy ŭ biahučym hodzie ŭ paraŭnańni z 2024‑m prasieli: za anałahičny pieryjad minułaha hoda było pradadziena na 2 500 kvater (+16%) bolš — 15 000 ździełak suprać 12 500 u 2025 hodzie.
Kala 47% ździełak za vierasień — adnapakajovyja kvatery, 32% — dvuchpakajovyja.
U topie prodažaŭ — sučasnyja damy. Bolš za 40% usich pradadzienych u vieraśni kvater znachodziacca ŭ sučasnych damach: 16% pabudavanyja da 2011 hoda i 25% va ŭzroście da 5 hadoŭ.
Dla paraŭnańnia:
-
na typavyja panelki 1970—1999 hadoŭ prypadaje 32% prodažaŭ;
-
chruščoŭki i brežnieŭki ŭ prodažach — 15%.
Na fonie źnižanych kredytnych stavak čakana pavialičylisia prodažy kvater va ŭviedzienych u ekspłuatacyju novabudoŭlach ad zabudoŭščyka — sa 147 u žniŭni da 162 u vieraśni (12% ad usich pradadzienych kvater).
Heta samy vysoki pakazčyk prodažaŭ hatovych novabudoŭlaŭ ad zabudoŭščyka z pačatku 2025 hoda — minimalny byŭ u studzieni na ŭzroŭni 53 kvater.
Ceny kvadratnaha mietra ŭ hatovych novabudoŭlach ad zabudoŭščyka składajuć:
-
dla 1‑pakajovych — $1971;
-
2‑pakajovych — $1997;
-
3‑pakajovych — $2209 (vysoki košt z-za małoj vybarki kvater).
Z pačatku hoda kvatery pa vynikach realnych ździełak padaraželi ŭ siarednim na 16%, abo +250 dalaraŭ za kvadrat. Siaredni košt pradadzienych kvater vyras za miesiac z 91 916 da 91 992 dalaraŭ.
Jašče ź cikavaha — razryŭ u košcie pamiž adna– i dvuchpakajovymi kvaterami skaraciŭsia da minimumu. Roźnica, mienšaja za 10 tysiač dalaraŭ, źjaŭlajecca vynikam najbolšaj zapatrabavanaści adnapakajovych kvater za apošnija paŭhoda.
U toj ža čas trochpakajovyja kvatery pa košcie ad dvuchpakajovych adarvanyja značna bolš.
Tak vyhladaje rost cen za hod na prykładzie adnapakajovych kvater:
-
u typovaj panelcy 90‑ch hadoŭ adnapakajovaja kvatera stała daražej na 8 700 dalaraŭ;
-
u karkaśniku 2000‑ch hadoŭ na 11 600 dalaraŭ;
-
a ŭ składzie śviežych kompleksaŭ 2020‑ch na 14 400 dalaraŭ.
Cikava, što ceny stalinak (da 1960 hoda pabudovy) časta apiaredžvajuć typavyja panelki i dahaniajuć sučasnyja damy.
Ciapier čytajuć
Siłaviki raskazali, za što praviali chapun na tenisnym matčy7
Siłaviki raskazali, za što praviali chapun na tenisnym matčy
«Adnavili hramadski paradak, nie sastupiŭšy patrabavańniam novych vybaraŭ». Što piša Hrokipiedyja pra pratesty, Łukašenku, movu i jak dzielić spadčynu VKŁ1212
Kamientary