U noč na 24 studzienia, na fonie mirnych trochbakovych pieramoŭ u Abu-Dabi, Rasija naniesła novy masiravany ŭdar pa Kijevie i jaho enierhietyčnaj infrastruktury dronami i roznymi typami rakiet. U stalicy znoŭ źnikajuć ciapło i vada, paviedamlaje Bi-bi-si — Ukraina.
Ataka na Kijeŭ pačałasia kala druhoj hadziny nočy i praciahvałasia bolš za try hadziny — da 5‑j ranicy. Rasijanie atakavali šachiedami, a zatym paralelna nanieśli ŭdary balistyčnymi i kryłatymi rakietami naziemnaha bazavańnia.
Paśla 6‑j ranicy ataka šachiedami na Ukrainu praciahnułasia, i kala 7‑j hadziny ranicy Kijeŭ znoŭ atakavali drony. Pavodle danych mera Vitala Kličko, užo viadoma pra adnaho zahinułaha ŭ stalicy i čatyroch paranienych. Traich paciarpiełych miedyki špitalizavali.
Na levym bierazie, dzie ŭ apošnija dni ramontniki sprabavali adnavić aciapleńnie paśla rasijskich udaraŭ, znoŭ uźnikli pieraboi ź ciapło– i vodazabieśpiačeńniem.
Elektryčnaści ŭ Kijevie i biez taho praktyčna niama.
Zaraz u Kijevie — minus 10 hradusaŭ marozu.
U Dziaśnianskim rajonie adbyłosia padzieńnie abłomkaŭ na niežyły budynak. U Dniaproŭskim rajonie ŭ vyniku padzieńnia abłomkaŭ BPŁA ŭźnik pažar u haražnym kaapieratyvie. Taksama hareŭ bienzavoz na parkoŭcy. Akramia taho, vybity vokny ŭ šmatkvaternym žyłym domie.
U Darnickim rajonie ŭ pryvatnaj miedycynskaj ustanovie paškodžanyja vokny ŭ budynku.
U Hałasiejeŭskim i Sałamianskim rajonach taksama zafiksavanyja razbureńni. Žurnalist Jan Dabranosaŭ apublikavaŭ fota paškodžańniaŭ kandytarskaj fabryki Roshen.
Z-za paškodžańniaŭ mietro ciahniki zialonaj linii časova nie kursujuć pamiž pravym i levym bierahami.
Adnačasova adbyŭsia ŭdar šachiedaŭ pa Charkavie, dzie paranienyja 14 čałaviek.
«Voś hladžu na termomietr — doma +13». Biełaruska z Kijeva raskazała, jak jaje siamja pieražyvaje hetu ciažkuju zimu
«Siońnia ŭ kvatery ŭžo ciaplej, +5». Jak Kijeŭ znoŭ žyvie biez aciapleńnia paśla rasijskaj ataki
Były kiraŭnik «Ukrenierha» zahinuŭ ad udaru toku. Jon naładžvaŭ sistemu paśla rasijskich udaraŭ
Kamientary