U Minsuviazi patłumačyli pra abmiežavańnie mabilnaha internetu
Z 23 lutaha ŭ Biełarusi źjavicca abmiežavańnie chutkaści internetu na taryfnych płanach ź bieźlimitnym trafikam. Pry pieravyšeńni paroha ŭ 30 HB na miesiac chutkaść źnizicca da 1 Mbit/s.
U Ministerstvie suviazi rastłumačyli, čamu było pryniata takoje rašeńnie, piša Office Life.
Tema vyklikała burnyja abmierkavańni ŭ sacyjalnych sietkach. U viedamstvie zajavili, što čakali takoj reakcyi, u pieršuju čarhu z boku abanientaŭ, jakija vykarystoŭvajuć trafik u vialikich abjomach. Havorka idzie pra tysiačy hihabajtaŭ na miesiac, što pieravyšaje siaredniaje spažyvańnie jak minimum u sotni razoŭ. Takoje spažyvańnie charakternaje dla abanientaŭ stacyjanarnych sietak. Pry hetym bieźlimitnyja taryfy, padkreślili ŭ viedamstvie, «charakternyja dla krain SND, ale całkam adsutničajuć u jeŭrapiejskich krainach».
U viedamstvie adznačyli, što bolšaść karystalnikaŭ naŭrad ci zaŭvažyć źmieny, bo jany spažyvajuć značna mienš za 30 HB na miesiac.
«Kali vy tracicie mienš za 30 HB u miesiac (a heta bolšaść karystalnikaŭ biez tyktok zaležnaści), vy ničoha nie zaŭvažycie. Kali ž vy spampoŭvajecie terabajty — daviadziecca albo mirycca z 1 Mbit/s, albo dapłačvać», — zajavili ŭ Minsuviazi.
U ministerstvie padkreślili, što mabilny internet paśla vyčarpańnia limitu nichto nie budzie adklučać, a jaho chutkaść źnizicca tolki da ŭzroŭniu 1 Mbit/s.
Heta dazvolić karystacca miesiendžarami, słuchać muzyku i siadzieć u sacyjalnych sietkach, choć u apošnim vypadku fatahrafii mohuć zahružacca daŭžej. Pry hetym budzie ŭskładnieny prahlad videa ŭ vysokaj jakaści i vykarystańnie «ciažkich» anłajn-hulniaŭ.
U viedamstvie taksama ličać, što novaŭviadzieńni abaraniajuć pravy spažyŭcoŭ, bo bieźlimitny taryf «pavinien pracavać, a nie prosta ličycca».
Raniej apieratary na «bieźlimitach» mahli źnižać chutkaść jak zaŭhodna, časam navat da 256 Kbit/s, kali nie zahružajecca navat nadvorje. Ciapier ustanoŭleny paroh: apuskać chutkaść nižej za 1 Mbit/s apierataram zabaroniena.
Novyja praviły taksama dazvalajuć apierataram prapanoŭvać dadatkovyja abjomy trafiku abo pavialičanyja pieryjady «bieźlimitnaj» chutkaści.
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary
To bok toje što ludzi vykarystoŭvajuć hety internet dla pracy tam dzie niama mahčymaści pravieści pravadny interniet - pad uvahu nie biarecca.
Nu što ž, Vicia choča novy ajfon.