З 23 лютага ў Беларусі з’явіцца абмежаванне хуткасці інтэрнэту на тарыфных планах з безлімітным трафікам. Пры перавышэнні парога ў 30 ГБ на месяц хуткасць знізіцца да 1 Мбіт/с.
У Міністэрстве сувязі растлумачылі, чаму было прынята такое рашэнне, піша Office Life.
Тэма выклікала бурныя абмеркаванні ў сацыяльных сетках. У ведамстве заявілі, што чакалі такой рэакцыі, у першую чаргу з боку абанентаў, якія выкарыстоўваюць трафік у вялікіх аб’ёмах. Гаворка ідзе пра тысячы гігабайтаў на месяц, што перавышае сярэдняе спажыванне як мінімум у сотні разоў. Такое спажыванне характэрнае для абанентаў стацыянарных сетак. Пры гэтым безлімітныя тарыфы, падкрэслілі ў ведамстве, «характэрныя для краін СНД, але цалкам адсутнічаюць у еўрапейскіх краінах».
У ведамстве адзначылі, што большасць карыстальнікаў наўрад ці заўважыць змены, бо яны спажываюць значна менш за 30 ГБ на месяц.
«Калі вы траціце менш за 30 ГБ у месяц (а гэта большасць карыстальнікаў без тыкток залежнасці), вы нічога не заўважыце. Калі ж вы спампоўваеце тэрабайты — давядзецца альбо мірыцца з 1 Мбіт/с, альбо даплачваць», — заявілі ў Мінсувязі.
У міністэрстве падкрэслілі, што мабільны інтэрнэт пасля вычарпання ліміту ніхто не будзе адключаць, а яго хуткасць знізіцца толькі да ўзроўню 1 Мбіт/с.
Гэта дазволіць карыстацца месенджарамі, слухаць музыку і сядзець у сацыяльных сетках, хоць у апошнім выпадку фатаграфіі могуць загружацца даўжэй. Пры гэтым будзе ўскладнены прагляд відэа ў высокай якасці і выкарыстанне «цяжкіх» анлайн-гульняў.
У ведамстве таксама лічаць, што новаўвядзенні абараняюць правы спажыўцоў, бо безлімітны тарыф «павінен працаваць, а не проста лічыцца».
Раней аператары на «безлімітах» маглі зніжаць хуткасць як заўгодна, часам нават да 256 Кбіт/с, калі не загружаецца нават надвор’е. Цяпер устаноўлены парог: апускаць хуткасць ніжэй за 1 Мбіт/с аператарам забаронена.
Новыя правілы таксама дазваляюць аператарам прапаноўваць дадатковыя аб’ёмы трафіку або павялічаныя перыяды «безлімітнай» хуткасці.
-
У Беларусі прадаецца рэдкая манета, якую можна выкарыстоўваць як аб'ектыў у фотаапараце. Што за яна?
-
У беларускай краме ізраільскія авакада каштуюць танней, чым айчынныя агуркі
-
Беларусы расказалі, як 20 дзён хадзілі па арктычнай глухмені. Цяпер там ёсць перавалы Васіля Быкава і Уладзіміра Караткевіча
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары
То бок тое што людзі выкарыстоўваюць гэты інтэрнэт для працы там дзе няма магчымасці правесьці правадны інтэрнет - пад увагу не бярэцца.
Ну што ж, Віця хоча новы айфон.