Śpiecsłužby Biełarusi ŭzłamali akaŭnt žurnalista Źmitra Kazakieviča i apublikavali jaho pierapiski
Jon pavieryŭ fejkavamu akaŭntu «Adździeł biaśpieki».
U praŭładnym kanale «Fakty na stoł» (mierkavana, źviazany z KDB Biełarusi) była apublikavanaja pierapiska žurnalista Źmitra Kazakieviča z byłoj palitźniavolenaj Ałanaj Hiebramaryjam.
Paśla jaje pierapościli kanał prapahandystki Ksienii Lebiedzievaj i kanał «Škvarka Ńjus». Havorka tam viadziecca pra artykuł dla «Biełsata» pra kanfierencyju byłych palitźniavolenych u Varšavie, jakaja adbyłasia ŭ mai 2025 hoda.
Akaŭnt uzłamali praź fišynhavuju spasyłku. Žurnalistu pryjšło paviedamleńnie ŭ Telegram ad akaŭnta «Adździeł biaśpieki», zamaskiravanaje pad paviedamleńnie ad słužby padtrymki. Akaŭnt byŭ paznačany jak zarehistravany na telefonny numar Mjanmy.
Što žurnalist zrabiŭ dalej — niezrazumieła, ale da akaŭnta atrymali dostup kadebisty. Nieviadoma, kolki pierapisak było ŭ akaŭncie i jakija ź ich atrymali supracoŭniki śpiecsłužbaŭ.
Źmicier Kazakievič — žurnalist ź Viciebska. Nieadnarazova traplaŭ pad represii, na jaho zaviedziena niekalki kryminalnych spraŭ. Z 2021 hoda žyvie nie ŭ Biełarusi.
«Naša Niva» — bastyjon biełaruščyny
PADTRYMAĆ
Cichanoŭskaja i Zialenski ŭpieršyniu praviali sustreču. Zialenski zaprasiŭ Śviatłanu ŭ Kijeŭ14
Kamientary
Druhoje - kali úžo tyja, da kaho jość pytańni ú vorhanaú, navučacca być razumnymi?
Jon padstaviú usio svaje kontakty!
Niejkija dzieci... Z ajkiu 23
U aryhinale ("Fakty na stoł") jaho niama. I nie sam žurnalist daŭ kamientaryj, inakš pra heta skazali b.