U Kazachstanie fanaty bielhijskaha «Bruhie» pryjšli na matč u vobrazach skandalnaha kinahieroja. Ich zatrymali
U Astanie zatrymali troch fanataŭ bielhijskaha kłuba «Bruhie», jakija na futbolny matč Lihi čempijonaŭ z ałmacinskim «Kajratam» pryjšli ŭ kaściumach z brytanska-amierykanskaj kamiedyi «Borat». Incydent adbyŭsia 20 studzienia na stadyjonie «Astana Arena».
Jak paviedamlajecca, mužčyny byli pjanyja, a ich pavodziny kłasifikavali jak drobnaje chulihanstva.
Ich spravu razhladzieŭ śpiecyjalizavany mižrajonny administracyjny sud, jaki pryznačyŭ kožnamu aryšt na 5 sutak.
Matč, darečy, skončyŭsia ŭpeŭnienaj pieramohaj «Bruhie» — 4:1.
Film «Borat», jaki vyjšaŭ u 2006 hodzie — skandalnaja psieŭdadakumientalnaja kamiedyja režysiora Łary Čarlza, u jakoj Saša Baron Koen ihraje vydumanaha kazachstanskaha žurnalista Borata Sahdzijeva. Siužet pabudavany na pajezdcy Barata ŭ ZŠA dla stvareńnia repartažu, jakaja, adnak, nieŭzabavie pieratvarajecca ŭ pošuki Pameły Andersan. Hałoŭny hieroj, padarožničajučy pa ZŠA, iranizuje z amierykanskich stereatypaŭ i kultury.
U kazachaŭ z hetaj karcinaj pieradusim admoŭnyja asacyjacyi. Mnohija žychary Kazachstana paśla vychadu filma ŭspryniali jaho jak abrazu svajho naroda i prynižeńnie krainy.
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj93
Kamientary