U histaryčnaha budynka z Hłybokaha narešcie źjaviŭsia haspadar
Budynak karmielickaha manastyra ŭ Hłybokim, jaki źjaŭlajecca historyka-kulturnaj kaštoŭnaściu, na praciahu čatyroch hadoŭ nieadnarazova vystaŭlali na tarhi, ale biezvynikova. Adnak ciapier narešcie ŭ jaho źjaviŭsia novy ŭładalnik, paviedamili ŭ pres-słužbie «BUTB-Majomaść».
Pakupnicaj budynka stała minskaja kampanija, što pracuje ŭ śfiery finansavych pasłuh. Pakolki jana była adzinym udzielnikam aŭkcyjonu, budynak joj dastalisia za simvaličnuju sumu — 47 rubloŭ 25 kapiejek (pačatkovaja cana plus 5%). Akramia taho, novy ŭłaśnik atrymaje prava arendy ziamielnaha ŭčastka płoščaj bolš za 10 sotak terminam na 40 hadoŭ.
Manastyr, pabudavany ŭ 1735 hodzie, znachodzicca ŭ horadzie Hłybokaje. Raniej na jaho terytoryi raźmiaščalisia žyłyja karpusy, biblijateka, špital, apteka i składskija pamiaškańni. Viadoma, što ŭ 1812 hodzie tut na niekalki dzion spyniaŭsia Napaleon Banapart. U 1865 hodzie manastyr byŭ zakryty, a paźniej na jaho miescy zrabili pravasłaŭnuju carkvu. Da našych dzion zachavałasia tolki adno kryło z troch pieršapačatkovych.
Paśla nabyćcia abjekta novamu ŭładalniku nieabchodna na praciahu 12 miesiacaŭ źviarnucca ŭ Ministerstva kultury, kab atrymać dazvoł na praviadzieńnie ramontna-restaŭracyjnych rabot.
Ciapier čytajuć
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU5
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu66
Kamientary