Na radzimie apošniaha karala Rečy Paspalitaj pradajuć budynak byłoj plabanii
U Kamianieckim rajonie vystavili na prodaž niezvyčajny dom — byłuju plabaniju, to-bok žyllo katalickaha śviatara. Jon znachodzicca ŭ vioscy Voŭčyn i vyłučajecca tym, što całkam prystasavany dla žyćcia i nie patrabuje kapitalnaha ramontu, choć i kaštuje davoli doraha, piša Times.by.
Pačatkovaja cana abjekta — 1 miljon rubloŭ, što prykładna adpaviadaje 340 tysiačam dalaraŭ. Heta dvuchpaviarchovy cahlany dom płoščaj 367 kvadratnych mietraŭ z mansardaj, padvałam i dźviuma aciaplalnymi prybudovami. Razam z budynkam pradajecca i vialiki ziamielny ŭčastak płoščaj 1,7 hiektara.
Asnoŭnaja pieravaha doma — najaŭnaść usich nieabchodnych kamunikacyj: elektryčnaści, vady, kanalizacyi, aciapleńnia i navat telefonnaj suviazi.
Budynak staić u malaŭničym miescy — prosta nasuprać hałoŭnaj słavutaści Voŭčyna, kaścioła Najśviaciejšaj Trojcy. Hety chram u styli baroka byŭ uźviedzieny ŭ 1733 hodzie, u savieckija časy zaniadbany, a całkam adnoŭleny ŭ 2020-m. Sam dom śviatara źjaviŭsia prykładna na miažy XIX—XX stahodździaŭ.
Dom nie maje statusu historyka-kulturnaj kaštoŭnaści, tamu budučy ŭładalnik nie budzie abmiežavany strohimi patrabavańniami pry jaho vykarystańni.
Pradaje abjekt adkrytaje akcyjaniernaje tavarystva «Biełaviežski», vytvorca miasnoj pradukcyi, jaki realizuje niepatrebnuju majomaść praz tarhi Dziaržkammajomaści. Aŭkcyjon zapłanavany na 27 studzienia i adbudziecca ŭ Breście, kali znojducca achvotnyja nabyć hety redki łot.
Voŭčyn, darečy, viadomy ŭ historyi jak radzima apošniaha karala Rečy Paspalitaj Stanisłava Aŭhusta Paniatoŭskaha: mienavita tut jon naradziŭsia 17 studzienia 1732 hoda. U 1938 hodzie jahony prach byŭ pieraniesieny z sankt-pieciarburhskaj (tady hety horad nazyvaŭsia Leninhrad) baziliki Śviatoj Kaciaryny Aleksandryjskaj ŭ pachavalniu voŭčynskaha kaścioła. Akazałasia, što heta nie była dobraja ideja, bo ŭžo praz hod pačałasia Druhaja suśvietnaja vajna z prychodam savieckaj ułady. Pachavańnie Paniatoŭskaha było razrabavanaje, a ŭ 1994 hodzie toje, što ad jaho zastałosia, było pieraniesiena ŭ sabor śviatoha Jana Chryściciela ŭ Varšavie.
Ciapier čytajuć
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1313
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha13
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5555
Kamientary