Грамадства22

На радзіме апошняга караля Рэчы Паспалітай прадаюць будынак былой плябаніі

У Камянецкім раёне выставілі на продаж незвычайны дом — былую плябанію, то-бок жыллё каталіцкага святара. Ён знаходзіцца ў вёсцы Воўчын і вылучаецца тым, што цалкам прыстасаваны для жыцця і не патрабуе капітальнага рамонту, хоць і каштуе даволі дорага, піша Times.by.

Фота: Дзяржкаммаёмасць

Пачатковая цана аб’екта — 1 мільён рублёў, што прыкладна адпавядае 340 тысячам даляраў. Гэта двухпавярховы цагляны дом плошчай 367 квадратных метраў з мансардай, падвалам і дзвюма ацяпляльнымі прыбудовамі. Разам з будынкам прадаецца і вялікі зямельны ўчастак плошчай 1,7 гектара.

Асноўная перавага дома — наяўнасць усіх неабходных камунікацый: электрычнасці, вады, каналізацыі, ацяплення і нават тэлефоннай сувязі.

Будынак стаіць у маляўнічым месцы — проста насупраць галоўнай славутасці Воўчына, касцёла Найсвяцейшай Тройцы. Гэты храм у стылі барока быў узведзены ў 1733 годзе, у савецкія часы занядбаны, а цалкам адноўлены ў 2020-м. Сам дом святара з’явіўся прыкладна на мяжы ХІХ—ХХ стагоддзяў.

Дом не мае статусу гісторыка-культурнай каштоўнасці, таму будучы ўладальнік не будзе абмежаваны строгімі патрабаваннямі пры яго выкарыстанні.

Прадае аб’ект адкрытае акцыянернае таварыства «Белавежскі», вытворца мясной прадукцыі, які рэалізуе непатрэбную маёмасць праз таргі Дзяржкаммаёмасці. Аўкцыён запланаваны на 27 студзеня і адбудзецца ў Брэсце, калі знойдуцца ахвотныя набыць гэты рэдкі лот.

Воўчын, дарэчы, вядомы ў гісторыі як радзіма апошняга караля Рэчы Паспалітай Станіслава Аўгуста Панятоўскага: менавіта тут ён нарадзіўся 17 студзеня 1732 года. У 1938 годзе ягоны прах быў перанесены з санкт-пецярбургскай (тады гэты горад называўся Ленінград) базілікі Святой Кацярыны Александрыйскай ў пахавальню воўчынскага касцёла. Аказалася, што гэта не была добрая ідэя, бо ўжо праз год пачалася Другая сусветная вайна з прыходам савецкай улады. Пахаванне Панятоўскага было разрабаванае, а ў 1994 годзе тое, што ад яго засталося, было перанесена ў сабор святога Яна Хрысціцеля ў Варшаве.

Каментары2

  • вось так
    12.01.2026
    Рэшткі адзення і пахавальнага інвентара Панятоўскага да гэтага часу ходзяць па руках калекцыянераў
  • Так ёсць
    13.01.2026
    вось так, так, дзякуючы той "брыгадзе" якая праводзіла эксгумацыйныя працы, расцягнулі на сувеніры для сваіх сяброў.

Цяпер чытаюць

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Усе навіны →
Усе навіны

Пентагон скароціць менш амерыканскіх вайскоўцаў у Еўропе, чым планавалася раней

Сабаленка ўнеслі ў базу «Міратворца» пасля скандалу на матчы з украінкай Світолінай24

«Дзякуй жанчынам, якія дачакаліся». Tor Band паказалі сваю першую рэпетыцыю3

55‑гадовага прадпрымальніка асудзілі за палітыку: ён штодня спрачаўся з ватнікамі ў Z‑чатах10

У тэатры імя Горкага працягваецца капітальны рамонт. Як зменіцца будынак ФОТА1

Іншую скульптуру аўтара скандальнай «Быхаўскай мадонны» чыноўнікі афіцыйна набылі за $15 тысяч толькі праз месяц пасля адкрыцця7

Масад папярэдзіў ЗША аб планах Ірана забіць Трампа дронамі5

SpaceX упершыню ў гісторыі злавіла верхні блок Starship ВІДЭА5

Ці хапае трох дзён бальнічнага, каб не заразіць калег?1

больш чытаных навін
больш лайканых навін

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Галоўнае
Усе навіны →

Заўвага:

 

 

 

 

Закрыць Паведаміць