Tramp pryznaŭsia, što Madura zachapili pry dapamozie sakretnaha dyskambabulatara
Prezident ZŠA Donald Tramp zajaviŭ, što vyrašalnuju rolu ŭ apieracyi pa zatrymańni vieniesuelskaha lidara Nikałasa Madura adyhrała novaja sakretnaja zbroja, jakuju jon nazvaŭ Discombobulator. Pra heta Tramp raskazaŭ u intervju vydańniu New York Post.
Pavodle słoŭ amierykanskaha prezidenta, hetaja raspracoŭka dazvoliła vyvieści z ładu abstalavańnie vieniesuelskaha boku ŭ momant, kali 3 studzienia amierykanskija viertaloty prybyli ŭ Karakas dla aryštu Madura i jaho žonki pa abvinavačańniach u niezakonnym handli narkotykami i zbrojaj. Tramp padkreśliŭ, što nie maje prava raskryvać padrabiaznaści, choć samomu jamu i karcić raskazać bolš. Raniej jon, darečy, krychu hetaj spravy ŭžo kranaŭsia.
Nazva zbroi pachodzić ad anhlijskaha słova, jakoje aznačaje «dezaryjentavać» abo «źbić z pantałyku». Prezident ZŠA śćviardžaje, što vieniesuelskija siły nie zmahli vykarystać navat rasijskija i kitajskija rakiety: technika nie pracavała, niahledziačy na poŭnuju bajavuju hatoŭnaść.
Hetyja kamientary Tramp zrabiŭ u kantekście razmovy pra impulsnuju enierhietyčnuju zbroju, jakuju raniej zakuplała administracyja Bajdena i jakuju źviazvajuć z tak zvanym havanskim sindromam.
Choć pra samu zbroju viadoma niašmat, śviedčańni ź Vieniesueły častkova paćviardžajuć słovy Trampa. Pavodle vidavočcaŭ, uzbrojenyja prychilniki Madura raptoŭna stračvali aryjentacyju, padali na kaleni, u ich išła kroŭ z nosa, niekatoryja vanitavali kryvioj. Adzin z achoŭnikaŭ Madura raskazaŭ, što biez tłumačeńniaŭ adklučylisia ŭsie radyjołakacyjnyja sistemy, paśla čaho nad pazicyjami źjavilisia dziasiatki dronaŭ.
Paźniej, pavodle jaho słoŭ, dziejańnie zbroi było nakiravana niepasredna na achovu. Jon apisaŭ heta jak mocnuju, intensiŭnuju hukavuju chvalu, paśla jakoj źjaviŭsia rezki bol u hałavie, pačalisia kryvacioki i ludzi stracili zdolnaść ruchacca. U vyniku achoŭniki nie zmahli akazać supraciŭ.
Kab nie płacić padatak na sabak, minčuki pačali zdavać ich u punkty adłovu25
Kamientary