U Biełarusi zapuścili servis pošuku chatnich žyvioł, što zhubilisia
U Biełarusi zapuścili novy servis dla pošuku zhublenych chatnich žyvioł Picard — smart-klučyk z QR-kodam, jaki nie patrabuje padzaradki i dazvalaje chutka źviazacca z uładalnikam žyvioły. Jak jon pracuje, pišuć Minsk-Naviny.
Aŭtar idei — Jan Hulevič. Ideja ŭ tym, što, kali žyvioła zhubiłasia, luby minak moža adskanavać QR-kod na birulcy zvyčajnaj kamieraj smartfona — biez ustaloŭki dadatkaŭ. Paśla hetaha adkryvajecca staronka ź infarmacyjaj pra žyviołu i kantaktami haspadara. Sistema taksama dazvalaje aŭtamatyčna adpraŭlać uładalniku hieałakacyju znachodki.
U adroźnieńnie ad GPS-trekieraŭ, pryłada nie patrabuje padzaradki i nie hublaje pracazdolnaść z časam. Klučyk vyrableny z tryvałaha palimiera, ustojlivaha da vilhaci, zabrudžvańniaŭ i miechaničnych paškodžańniaŭ. Pamier — kala troch santymietraŭ, macavańnie raźličana na aktyŭnych žyvioł.
Košt adnoj smart-birulki składaje 25 rubloŭ. U hetuju sumu ŭvachodzić nie tolki vyrab, ale i techničnaje absłuhoŭvańnie servisu: praca siervieraŭ, abarona danych, płaciežnyja sistemy i kamisii.
Servis pakul testujuć u Minsku, u dalejšym jaho płanujuć pašyryć na ŭsiu krainu. U pierśpiektyvie płatforma moža abjadnać nie tolki pošuk zhublenych žyvioł, ale i inšyja ličbavyja servisy dla ŭładalnikaŭ chatnich žyvioł.
Ciapier čytajuć
Biełarusy sustrakajuć vyzvalenych palitviaźniaŭ u Vilni FOTY i VIDEA3
Kamientary