Druhaja sustreča rasijskaj i ŭkrainskaj delehacyj pry pasiarednictvie ZŠA, jakaja adbyłasia 24 studzienia ŭ Abu-Dabi, praciahvałasia bolš za try hadziny i nie pryviała da kampramisu pa ŭkrainskim pytańni, piša The Moscow Times.
Ukrainskija čynoŭniki acharaktaryzavali pieramovy jak pazityŭnyja i kanstruktyŭnyja. Jany taksama adznačyli, što nastupny raŭnd sustreč zapłanavany ŭ Abu-Dabi ŭžo na nastupnym tydni. Anałahičnuju acenku daŭ i pradstaŭnik urada Abjadnanych Arabskich Emirataŭ, pra što paviedamlaje ahienctva Reuters.
Pavodle słoŭ pradstaŭnika AAE, baki abmiarkoŭvali niavyrašanyja pytańni ŭ miežach mirnaha płana, prapanavanaha Vašynhtonam, i pry hetym pradstaŭniki Kijeva i Maskvy razmaŭlali niepasredna adzin z adnym. Raniej prezident Ukrainy Uładzimir Zialenski zajaŭlaŭ, što hałoŭnym nieŭrehulavanym zastajecca terytaryjalnaje pytańnie. Maskva, jak i raniej, nastojvaje na pieradačy joj usioj terytoryi Danbasa.
Uładzimir Zialenski taksama padkreśliŭ kanstruktyŭny charaktar pieramoŭ. Pavodle jaho, asnoŭnaja ŭvaha była nadadziena mahčymym paramietram zaviaršeńnia vajny. Jon adznačyŭ važnaść razumieńnia z boku ZŠA nieabchodnaści amierykanskaha manitorynhu i kantrolu za pracesam mirnaha ŭrehulavańnia i harantavańnia biaśpieki. Amierykanski bok, pavodle słoŭ prezidenta Ukrainy, abmiarkoŭvaŭ mahčymyja farmaty zamacavańnia damoŭlenaściaŭ i ŭmovy biaśpieki, patrebnyja dla hetaha.
Krynica rasijskaha dziaržaŭnaha ahienctva TASS paviedamiła, što sustreča nie była biezvynikovaj i peŭnyja vyniki ŭsio ž jość, choć detali nie ŭdakładnialisia.
Pa vynikach dźviuch sustreč baki damovilisia danieści ŭsie padrabiaznaści da kiraŭnictva svaich krain i ŭzhadnić dalejšyja kroki z nacyjanalnymi lidarami. Zialenski zajaviŭ, što pry hatoŭnaści ruchacca dalej — a Ukraina takuju hatoŭnaść maje — pieramovy buduć praciahnutyja, mahčyma, užo na nastupnym tydni.
Ukrainskuju delehacyju na sustrečy ŭznačalvaŭ sakratar Rady nacyjanalnaj biaśpieki i abarony Rustem Umieraŭ, a rasijskuju — načalnik Hałoŭnaha ŭpraŭleńnia Hienštaba Uzbrojenych sił RF Ihar Kaściukoŭ.
Ciapier čytajuć
«Vy ašaleli! Kolki my tracim hrošaj!» Łukašenka daručyŭ źmienšyć aśviatleńnie na vulicach11
«Vy ašaleli! Kolki my tracim hrošaj!» Łukašenka daručyŭ źmienšyć aśviatleńnie na vulicach
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ99
Kamientary