Rasijski futbalist Łajaneł Adams zahinuŭ va ŭzroście 31 hoda. Pavodle infarmacyi «Matč TV» sa spasyłkaj na palicyju, jon vypaŭ z akna šmatpaviarchovaha doma ŭ padmaskoŭnym Źvianiharadzie.
Pierad hetym, naprykancy śniežnia, spartsmien trapiŭ u incydent kala adnaho z restaranaŭ Maskvy: jaho paranili ź pistaleta i źbili. Paviedamlałasia, što ŭ toj momant jon znachodziŭsia ŭ stanie ałkaholnaha apjanieńnia. Z balnicy jon vyjechaŭ samavolna, nie papiaredziŭšy daktaroŭ.
Padčas svajoj hibieli jon znachodziŭsia ŭ haściach u svajho siabra, varatara machačkalinskaha «Dynama» Cimura Mahamiedava, ź jakim razam trapiŭ i ŭ papiaredni incydent. Što stała pryčynaj jahonaha vypadzieńnia ci vykidańnia z akna, pakul niaviadoma. Hučać viersii jak pra zabojstva, tak i pra samazabojstva.
Za čas svajoj karjery Adams pamianiaŭ šmat kłubaŭ: maładziožny skład maskoŭskaha CSKA, krasnajarski «Jenisiej», KamAZ z Nabiarežnych Čaŭnoŭ, kłuby z Kazachstana, Biełarusi, Armienii, Čarnahoryi, Ispanii. Akramia taho, hety futbalist u 2011 hodzie pravioŭ adzin matč za zbornuju Rasii da 18 hadoŭ.
Jak praviła, ni ŭ adnym kłubie jon bolš čym na siezon ci jahonuju častku nie zatrymlivaŭsia. U 2019 hodzie Adams zhulaŭ 17 matčaŭ i za biełaruskuju «Isłač».
U 2025 hodzie futbalist zhulaŭ adzin matč za kłub «Ałha» z Kyrhyzstana, a na momant śmierci nijakaha kantraktu nie mieŭ i byŭ svabodnym ahientam.
Kamientary