Sakratar Rady nacyjanalnaj biaśpieki i abarony Ukrainy Rustem Umieraŭ paviedamiŭ, što ŭ Abu-Dabi prajšoŭ pieršy dzień pieramoŭ pamiž ukrainskaj, rasijskaj i amierykanskaj delehacyjami. Pavodle jaho słoŭ, abmiarkoŭvalisia ŭmovy zaviaršeńnia vajny i dalejšyja kroki pieramoŭnaha pracesu.
Razam z Umieravym udzieł u sustrečy ad Ukrainy prymali kiraŭnik Ofisa prezidenta Ukrainy Kiryła Budanaŭ, jaho pieršy namieśnik Siarhiej Kiślica i kiraŭnik frakcyi «Słuha naroda» ŭ Viarchoŭnaj Radzie David Arachamija.
Ad amierykanskaha boku prysutničali śpiecyjalny pasłańnik prezidenta ZŠA Styŭ Uitkaf, ziać prezidenta ZŠA Džared Kušnier, pradstaŭnik Fiederalnaj słužby zakupak Džoš Hrunbaŭm, ministr armii hienierał Denijeł Dryskał i kamandujučy siłaŭ NATA ŭ Jeŭropie hienierał Aleks Hrynkievič.
Rasijskuju delehacyju ŭznačalvali pradstaŭniki vajskovaj raźviedki i armii.
Umieraŭ paviedamiŭ, što 24 studzienia projduć nastupnyja sustrečy, u jakich voźmuć udzieł načalnik Hienštaba Ukrainy hienierał Andrej Hnataŭ i namieśnik načalnika Hałoŭnaha ŭpraŭleńnia raźviedki Ministerstva abarony hienierał-lejtenant Vadzim Skibicki. Paśla kožnaha etapu pieramoŭ ukrainskaja kamanda budzie dakładvać pra vyniki prezidentu Ukrainy Uładzimiru Zielenskamu.
Napiaredadni pieramoŭ sam Zielenski paviedamiŭ, što trochbakovyja pieramovy Ukraina — ZŠA — Rasija adbuducca ŭ piatnicu i subotu.
Pierad pačatkam sustreč pres-sakratar Kramla Dźmitryj Piaskoŭ zajaviŭ, što Rasija patrabuje vyvadu ukrainskich vojskaŭ z Danbasa, bo ličyć heta važnaj umovaj dla pieramoŭ ab zakančeńni vajny.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary