Сакратар Рады нацыянальнай бяспекі і абароны Украіны Рустэм Умераў паведаміў, што ў Абу-Дабі прайшоў першы дзень перамоў паміж украінскай, расійскай і амерыканскай дэлегацыямі. Паводле яго слоў, абмяркоўваліся ўмовы завяршэння вайны і далейшыя крокі перамоўнага працэсу.
Разам з Умеравым удзел у сустрэчы ад Украіны прымалі кіраўнік Офіса прэзідэнта Украіны Кірыла Буданаў, яго першы намеснік Сяргей Кісліца і кіраўнік фракцыі «Слуга народа» ў Вярхоўнай Радзе Давід Арахамія.
Ад амерыканскага боку прысутнічалі спецыяльны пасланнік прэзідэнта ЗША Стыў Уіткаф, зяць прэзідэнта ЗША Джарэд Кушнер, прадстаўнік Федэральнай службы закупак Джош Грунбаўм, міністр арміі генерал Дэніел Дрыскал і камандуючы сілаў НАТА ў Еўропе генерал Алекс Грынкевіч.
Расійскую дэлегацыю ўзначальвалі прадстаўнікі вайсковай разведкі і арміі.
Умераў паведаміў, што 24 студзеня пройдуць наступныя сустрэчы, у якіх возьмуць удзел начальнік Генштаба Украіны генерал Андрэй Гнатаў і намеснік начальніка Галоўнага ўпраўлення разведкі Міністэрства абароны генерал-лейтэнант Вадзім Скібіцкі. Пасля кожнага этапу перамоў украінская каманда будзе дакладваць пра вынікі прэзідэнту Украіны Уладзіміру Зеленскаму.
Напярэдадні перамоў сам Зеленскі паведаміў, што трохбаковыя перамовы Украіна — ЗША — Расія адбудуцца ў пятніцу і суботу.
Перад пачаткам сустрэч прэс-сакратар Крамля Дзмітрый Пяскоў заявіў, што Расія патрабуе вываду украінскіх войскаў з Данбаса, бо лічыць гэта важнай умовай для перамоў аб заканчэнні вайны.
Цяпер чытаюць
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»28
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары