Prezident ZŠA Donald Tramp zajaviŭ u subotu, što nie płanuje sustrakacca z prezidentam Rasii Uładzimiram Pucinym, pakul nie paličyć, što zaklučeńnie mirnaha pahadnieńnia pamiž Rasijaj i Ukrainaj sapraŭdy mahčymaje.
Prezident ZŠA Donald Tramp rastłumačyŭ pryčyny admieny zapłanavanaj sustrečy z Uładzimiram Pucinym u Budapiešcie. Pavodle jaho słoŭ, jon nie žadaje «marnavać svoj čas» i pavinien być upeŭnieny, što baki sapraŭdy źbirajucca zaklučyć pahadnieńnie.
«U mianie zaŭsiody byli vydatnyja adnosiny z Uładzimiram Pucinym, ale ŭsio heta akazałasia vielmi rasčaravalnym», — skazaŭ Tramp.
Sustreča lidaraŭ ZŠA i Rasii była pryznačanaja paśla telefonnaj razmovy pamiž imi 16 kastryčnika. Adnak padrychtoŭka da jaje była admieniena paśla pieramoŭ pamiž dziaržsakratarom ZŠA Marka Rubia i kiraŭnikom MZS Rasii Siarhiejem Łaŭrovym. Pavodle CNN, heta zdaryłasia praz roznyja čakańni ad sustrečy.
Tramp paćvierdziŭ, što admianiŭ samit, bo na im «nie dasiahniom taho, čaho pavinny byli b», ale dadaŭ, što takaja sustreča adbudziecca ŭ budučyni.
Uładzimir Pucin, u svaju čarhu, zajaviŭ, što i sustreča, i miesca jaje praviadzieńnia byli prapanavanyja amierykanskim bokam, i vykazaŭ mierkavańnie, što Tramp chutčej kazaŭ pra pieranos, a nie admienu. Tym nie mienš, 24 kastryčnika ŭ ZŠA prybyŭ śpiecpradstaŭnik rasijskaha prezidenta Kirył Dźmitryjeŭ dla abmierkavańnia situacyi.
Ciapier čytajuć
Kaleśnikava: Ja nie razumieju, čamu Jeŭropa nie pačała pieramovy z Łukašenkam raniej za ZŠA65
Kamientary