Pucin pachvaliŭsia vyprabavańniami rakiety «ź nieabmiežavanaj dalokaściu»
Prezident Rasii Uładzimir Pucin zajaviŭ ab zaviaršeńni vyprabavańniaŭ novaj kryłataj rakiety «Buravieśnik» ź jadziernaj siłavoj ustanoŭkaj, jakaja, pavodle jaho słoŭ, «nie maje anałahaŭ u śviecie». Pra heta jon paviedamiŭ padčas naviedvańnia adnaho z punktaŭ kiravańnia abjadnanaj hrupoŭkaj vojskaŭ.
Načalnik Hienieralnaha štaba RF Valeryj Hierasimaŭ udakładniŭ, što vyprabavańni «Buravieśnika» prajšli 21 kastryčnika i byli paśpiachovymi.
Pavodle jaho śćviardžeńnia, rakieta znachodziłasia ŭ pavietry kala 15 hadzin i pieraadoleła 14 tysiač kiłamietraŭ, što, jak jon padkreśliŭ, «nie miaža».
Hierasimaŭ śćviardžaje, što «Buravieśnik» zdolny harantavana abychodzić lubyja sistemy supraćrakietnaj abarony i atakavać vysokaabaronienyja abjekty na luboj adlehłaści.
Pucin, u svaju čarhu, prapanavaŭ vyznačyć mahčymyja sposaby prymianieńnia i pačać padrychtoŭku infrastruktury dla raźmiaščeńnia hetaj zbroi va Uzbrojenych siłach. Jon dadaŭ, što «napieradzie vialikaja praca», kab pastavić hetuju rakietu na bajavoje dziažurstva.
-
Pieramovy Kijeŭ — Maskva — Vašynhton projduć u pačatku listapada
-
Pamior biznesmien Łučanski, jakoha časopis Time u 1990‑ch nazvaŭ «samym niebiaśpiečnym niazłoŭlenym złačyncam u śviecie»
-
«Nu što, pindos, navajavaŭsia? Zaraz my tabie pakažam». Jak ździekvalisia ŭ rasijskim pałonie z amierykanca Chabarda, jakoha vypuściŭ Pucin
Ciapier čytajuć
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski1010
Kamientary
Za apošnija 10 hadoŭ rasiejcy apantana sprabujuć naradzić zamienu SS-20, ale pakul što biezvynikova. Sarmat mabyć ŭžo całkam zakinuty miortvy prajekt, nie palacieŭ i nie źbirajecca )), a Burieviestnik idzie śledam: bolš za 10 sprobaŭ pusku, nivodnaha ŭdałaha, i skončyłasia taksama, jak i z Sarmatam, mocnym "ba-bach" na starcie. Tolki jašče z radyjocyjnym zabrudžvańniem i hibiellu vaśmi čałaviek (8 - afcyjnyja abviestki RF, a chto vam u MO i Rosatamie praŭdu skaža?)
Kaliści Pucin hetak ža ŭračysta chvaliŭsia Sarmatam, i navat pakazali kamṕjutarnuju hrafiku jak Sarmat lotaje i dalataje da Paryžu. Navat ŭ žalezie vazili rakietu Sarmat na paradzie, nibyta jana jość. Maŭlaŭ jość, ciešciesia, durni, vieličču Rasii, za vašyja hrošyki śpiektakl.
Miarkuju, toje samaje i z Burieviestnikom. Jak sami padviali vyniki artysty hetaha cyrku, "Napieradzie vialikaja praca".
Uvohule, takaja isteryčnaja rekłama "nieabmiežavanaj jadziernaj mahutnaści Rasii" śviedčyć na maju dumku pra advarotnaje - poŭny razvał i niedziejaŭdolnaść: nibyta jadziernyja zarady majucca, až 2000-2500 štuk (nichto nia viedaje kolki ich i ŭ jakim jany stanie, moža i Hienštab MORF nia viedaje), ale nasamreč heta staraja valizka biez ručki, karystacca jakoj niama ani mahčymaści, ani pierśpiektyvy.