Kambodža i Tajłand padpisali mirnaje pahadnieńnie ŭ prysutnaści Trampa
Padčas svajho azijackaha turne prezident ZŠA Donald Tramp naviedaŭ Małajziju, dzie ŭ jaho prysutnaści lidary Kambodžy i Tajłanda padpisali pašyranaje pahadnieńnie ab spynieńni ahniu.
Tramp nazvaŭ padzieju «znamianalnym dniom dla ŭsich žycharoŭ Paŭdniova-Uschodniaj Azii».
«Siońnia znamianalny dzień dla ŭsich žycharoŭ Paŭdniova-Uschodniaj Azii: my padpisvajem histaryčnaje pahadnieńnie, jakoje pakładzie kaniec vajennamu kanfliktu pamiž Kambodžaj i Tajłandam», — skazaŭ Tramp.
Kanflikt na miažy pamiž Kambodžaj i Tajłandam abvastyŭsia ŭ kancy lipienia 2025 hoda paśla taho, jak tajskija sałdaty padarvalisia na minach, jakija, jak śćviardžaŭ Banhkok, byli zakładzienyja kambadžyjcami.
Užo 26 lipienia Tramp pravioŭ telefonnyja razmovy z premjer-ministram Kambodžy i vykonvajučym abaviazki premjer-ministra Tajłanda, zajaviŭšy, što «abodva baki imknucca da nieadkładnaha spynieńnia ahniu i miru». 28 lipienia lidary krain pry ŭdziele premjer-ministra Małajzii Anvara Ibrahima damovilisia pra «nieadkładnaje i biezumoŭnaje» spynieńnie ahniu. Ciapierašniaje padpisańnie ŭ Małajzii zamacoŭvaje tyja papiarednija damoŭlenaści.
Ciapier čytajuć
Pamiatajecie Taćcianu Zareckuju, jakaja sa skandałam zvalniałasia z Kabinieta Cichanoŭskaj? U Estonii jaje padazrajuć u machlarstvie, aryštavali 1,8 młn jeŭra na jaje rachunkach26
Kamientary
Ja Džon Śmit pabudavaŭ u svajoj vioscy patrebny ŭsim žycharam most praz raku, ale nichto nie nazyvaje mianie Džon-mostabudaŭnik. Ja pabudavaŭ dla žycharou carkvu, ale nichto nie nazyvaje mianie Džon-Śviaty. Ale, varta było mnie adzin raz palubić kazu, jak usie stali klikać mianie Džon-kozačka.
Tak tut i u nas: treba było b mienš niedakurka ščaścić.