Apazicyja Litvy vinavacić ułady ŭ niazdolnaści supraćstajać pahrozam ź Biełarusi. Premjer Litvy sklikaje Kamisiju nacyjanalnaj biaśpieki
Premjer-ministr Litvy Inha Ruhinienie prakamientavała situacyju z parušeńniem pracy Vilenskaha aeraporta, dzie ŭviečary ŭ subotu praz padazreńnie na kantrabandnyja pavietranyja šary byli prypynienyja paloty, piša LRT. Jana sklikaje Kamisiju nacyjanalnaj biaśpieki.
Ruhinienie paviedamiła, što ŭ paniadziełak sklikaje pasiadžeńnie Kamisii nacyjanalnaj biaśpieki, kab abmierkavać «płan dziejańniaŭ i dalejšyja kroki». Jana adznačyła, što rašeńnie ab prypynieńni palotaŭ było pryniataje dziela biaśpieki pasažyraŭ, miascovych žycharoŭ i infrastruktury, bo «kirunak vietru pakul niespryjalny dla aeraporta».
«Prašu va ŭsich ciarpieńnia, bo razumieju, jakija niazručnaści i niespakoj vy pieražyvajecie, ale my dziejničajem dziela vašaj biaśpieki», — padkreśliła premjerka.
Jana dadała, što zakryćcio miežaŭ — heta sihnał, što Litva nie budzie ciarpieć nijakich parušeńniaŭ miažy.
Kiraŭnik Nacyjanalnaha centra kiravańnia kryzisnymi situacyjami Vilmantas Vitkaŭskas raskazaŭ, što ŭ subotu ŭ roznych miescach byli zafiksavanyja kantrabandnyja šary, a kala Vilenskaha aeraporta byŭ zaŭvažany mały dron, apieratar jakoha byŭ chutka zatrymany. Hetym razam radary zafiksavali 22 abjekty, što značna mienš, čym raniej.
Praca Vilenskaha aeraporta była spyniena na šeść hadzin. Heta ŭžo treci raz za tydzień i druhi viečar zapar, kali z-za vialikaj kolkaści kantrabandnych šaroŭ z boku Biełarusi spynialisia paloty i časova zakryvalisia pamiežnyja punkty propusku.
Ahułam, za tydzień spynieńnie pracy aeraportaŭ zakranuła kala 70 avijarejsaŭ i bolš za 10 tysiač pasažyraŭ.
Pradstaŭniki parłamienckaj apazicyi krytykujuć urad za biaździejnaść.
«Litva stanovicca niedziejazdolnaj krainaj, jakuju zachočuć abjazdžać bokam jak biznesmieny, tak i turysty», — zajaviŭ staršynia Demakratyčnaha sajuza «U imia Litvy» Saŭlus Skviarnialis.
«Druhuju noč zapar parušajecca praca Vilenskaha aeraporta, — napisaŭ jon u sacsietcy. — Padobna, što žadańnie našych žycharoŭ karystacca staličnym aeraportam stanie minimalnym. Niedziejazdolnaść ułady ŭžo nanosić škodu jak imidžu dziaržavy, tak i jaje biaśpiecy i nadziejnaści».
Skviarnialis papraknuŭ urad u tym, što jany pa-raniejšamu śviata pierakananyja, što havorka idzie prosta pra kantrabandu.
«U Biełarusi jakaja b ni była niezakonnaja dziejnaść nie ažyćciaŭlajecca biez dazvołu, uzhadnieńnia abo prosta zahadu KDB i vajennaj raźviedki», — miarkuje były premjer-ministr.
Ciapier čytajuć
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1515
Kamientary