Jana krytykuje płany pieraŭzbrajeńnia ES, vajskovuju dapamohu Ukrainie, rezka vykazvajecca ŭ adras ZŠA, NATA, a taksama Izraila ŭ suviazi z vajnoj u Hazie. Praŭda, rola jaje ŭ palitycy krainy budzie bolš cyrymanijalnaj.
Na vybarach prezidenta Irłandyi jana vyłučałasia jak niezaležnaja kandydatka. Kančatkovyja vyniki hałasavańnia jašče nie padviedzienyja, adnak, pavodle papiarednich źviestak, Konali amal u dva razy apiaredžvaje svaju adzinaju supiernicu — kandydatku ad kirujučaj partyi «Fine Heł» Chizer Chemfrys, piša Radyjo Svaboda.
Pavodle papiarednich dadzienych, Konali atrymlivaje bolš za 60% hałasoŭ, a Chemfrys — mienš za 30%. Astatnija hałasy byli padadzienyja za źniataha z vybaraŭ Džyma Hevisa, a bolš jak 10% vybarščykaŭ sapsavali svaje biuleteni — jak praviła, heta ludzi pravych pohladaŭ, jakija niezadavolenyja situacyjaj ź mihracyjaj u krainie i jakija znajšli prymalnaha dla siabie kandydata.
68‑hadovuju Konali na vybarach padtrymała kaalicyja ź siami apazicyjnych partyj na čale z najbujniejšaj levaj siłaj — «Šyn Fejn».
Kamientatary adznačajuć, što pa šerahu pytańniaŭ jana prytrymlivajecca značna bolš levych pazicyj, čym mejnstrym jeŭrapiejskaj palityki. Akramia inšaha, jana krytykuje płany pieraŭzbrajeńnia ES, vajskovuju dapamohu Ukrainie, rezka vykazvajecca ŭ adras ZŠA, NATA, a taksama Izraila ŭ suviazi z vajnoj u Hazie.
Prezident u Irłandyi vykonvaje pieradusim cyrymanijalnyja funkcyi i nie ŭpłyvaje na palityku ŭrada. Kiraŭnik kabinieta Michoł Marcin pavinšavaŭ Konali ź pieramohaj i vykazaŭ hatoŭnaść supracoŭničać ź joj.
Ciapier čytajuć
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu4
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1818
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich18
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary