Šlachi ŭ horad znachodziacca pad poŭnym kantrolem dronaŭ.
Hienieralny štab USU paviedamiŭ, što ŭ Pakroŭsku Danieckaj vobłaści ciapier dźvie sotni rasijskich vajskoŭcaŭ.
«Ab situacyi na podstupach da horada Pakroŭsk i niepasredna ŭ jaho miežach. Praciŭnik, šlacham vykarystańnia mižpazicyjnaj prastory i prasočvańnia małych piachotnych hrup, nazapasiŭ u horadzie kala 200 vajskoŭcaŭ.
U nasielenym punkcie praciahvajucca strałkovyja bai, aktyŭna pracujuć padraździaleńni BPŁA. Bajavyja sutyknieńni adroźnivajucca vysokaj dynamikaj i intensiŭnaściu», — havorycca ŭ paviedamleńni Hienštaba.
Rasiejcy naroščvajuć vykarystańnie braniatechniki ŭ šturmavych dziejańniach, dadaŭ Hienštab.
Raniej «Ukrainskaja praŭda» pisała, što ŭ Pakroŭsku znachodzicca nie mienš za 250 rasijskich sałdat. Jany viaduć strałkovyja bai i rasstrelvajuć ukrainskich vajskoŭcaŭ na pazicyjach, u pryvatnaści apierataraŭ dronaŭ.
Šlachi ŭ horad znachodziacca pad poŭnym kantrolem dronaŭ, ukrainskija vajskoŭcy iduć da pazicyi pa 10‑15 kiłamietraŭ pieššu.
Sprava Softkłuba: zatrymany patryjarch biełaruskaha IT Uładzimir Sirotka i niekalki top-mieniedžaraŭ. Jany padaryli nam ARIP17
Kamientary