Śpiecpasłańnik Papy: Biełaruś nie pavinna adčuvać siabie izalavanaj, adkinutaj
Śpiecyjalny pasłańnik Papy Rymskaha Kłaŭdyjo Hudžeroci naviedaŭ Biełaruś.
Jon pryniaŭ udzieł va ŭračystaściach 100‑hodździa Pinskaj dyjacezii. 26 kastryčnika papski pasłańnik źviarnuŭsia da moładzi ŭ bresckim kaściole Uzvyšeńnia Śviatoha Kryža, piša katolik.life.
Jon paprasiŭ moładź «zanieści błahasłaŭleńnie» ad imia Papy Lva XIV usim, chto čakaje padtrymki, suciašeńnia, nadziei:
«Nie tolki ludziam, ale taksama ŭsioj krainie, jakaja nie pavinna adčuvać siabie izalavanaj, adkinutaj, zabytaj usimi.
Boh lubić usich i žadaje, kab usie žyli ŭ radaści i ščaści. Heta taksama pažadańnie katolikaŭ usiaho śvietu, skiravanaje da vas».
Jon taksama padzialiŭsia dumkaj, što časam u biełaruskim charaktary prysutničaje niedastatkovy honar samimi saboj:
«Ale vy pavinny viedać, što vy prosta vydatnyja, i što niama narodaŭ druhoha hatunku. Vy niašmat kažacie, ale heta nie značyć, što vy mała dumajecie. Vy — bolš mudryja. Vaša maŭklivaje serca raście ad niavykazanych pačućciaŭ».
Kardynał paprasiŭ malicca za Papu, za mir i zhodu va ŭsim śviecie.
Kłaŭdya Hudžeroci z 2011 pa 2015 hod byŭ apostalskim nuncyjem u našaj krainie. U vieraśni 2012 hoda Kłaŭdya Hudžeroci zrabiŭ vizit u turmy, dzie ŭtrymlivalisia biełaruskija palityčnyja źniavolenyja.
Taksama Kłaŭdya Hudžeroci spryčyniŭsia da viartańnia ŭ krainu Tadevuša Kandrusieviča, jakoha ŭłady ŭ 2020 hodzie nie puskali nazad.
Nuncyj Hudžeroci nieadnarazova maliŭsia na Dziady ŭ Kurapatach, a kali byŭ nuncyjem u Vialikabrytanii, pieryjadyčna naviedvaŭ Biełaruskuju biblijateku imia Skaryny ŭ Łondanie.
16 kastryčnika pasoł u Vatykanie Juryj Ambrazievič sustrakaŭsia z Hudžeroci.
Ciapier čytajuć
«Mnie chacieli kampiensavać kala 10% ad koštu paharełaha». Jak biełaruskija pradaŭcy na Vajłdbieryz vyrašajuć vohniennyja prablemy3
«Mnie chacieli kampiensavać kala 10% ad koštu paharełaha». Jak biełaruskija pradaŭcy na Vajłdbieryz vyrašajuć vohniennyja prablemy
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było66
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było6
«Jość u Biełarusi ludzi, jakim nie padabajecca rasijski ściah, saviecki ściah». Rasijaninu na BMW X7 ź niamieckimi numarami paškodzili aŭto ŭ Minsku4747
Kamientary