Zialenski ŭ Paryžy raspavioŭ, čamu Ukraina nie moža pajści na terytaryjalnyja sastupki
«Kali zaŭtra my niejkim čynam sydziem z Danbasu, čaho nie adbudziecca, my adčynim Pucinu nieabaronienuju prastoru pobač z paŭtaramiljonnym horadam Charkavam. Jon taksama zachapiŭ by pramysłovy centr Dniapro», — skazaŭ prezident Ukrainy.
Prezident Ukrainy Uładzimir Zialenski zajaviŭ, što terytaryjalnyja sastupki Ukrainy, na jakija ŭkraincy nie mohuć pahadzicca, pryviaduć tolki da taho, što kiraŭnik Rasii Uładzimir Pucin vykarystaje zachoplenyja terytoryi jak placdarm dla napadu na Jeŭropu, kali jana nie stanie mocnaj. Pra heta jon zajaviŭ u intervju vydańniu Le Point, paviedamlaje «Ukrainskaja praŭda».:
«Niekatoryja ŚMI śćviardžajuć, što kali ŭkrainskija sałdaty syduć z uschodnich rehijonaŭ našaj krainy, to tam adnovicca mir. Ale heta niapraŭda. Pucin zachapiŭ Krym, kab vykarystać jaho jak placdarm dla akružeńnia poŭdnia. U 2014 hodzie jon zachapiŭ častku ŭschodu našaj krainy, kab vykarystać jaho jak placdarm dla poŭnaj akupacyi hetych rehijonaŭ. Kali zaŭtra my niejkim čynam sydziem z Danbasu, čaho nie adbudziecca, my adčynim Pucinu nieabaronienuju prastoru pobač z paŭtaramiljonnym horadam Charkavam. Jon taksama zachapiŭ by pramysłovy centr Dniapro. Heta adčyniła b dla jaho novyja mahčymaści», — skazaŭ prezident Ukrainy.
Pavodle Zialenskaha, jeŭrapiejcam varta myślić u inšym maštabie i ŭjavić, što było b, kali b Pucinu ŭdałosia realizavać jaho pieršapačatkovy płan — zachapić usiu Ukrainu.
«Kali b Pucinu ŭdałosia zachapić usiu našu krainu, jon vykarystaŭ by jaje hetak ža — jak placdarm. Zrobić jon heta ci nie, budzie zaležać ad taho, nakolki mocnaj budzie Jeŭropa. Kali Jeŭropa mocnaja — jon, vierahodna, ničoha nie zrobić, ale kali jana słabaja, to pacierpić ad dziejańniaŭ Rasii», — zajaviŭ palityk.
Ciapier čytajuć
Na Kipry źnik Uładzisłaŭ Baŭmhiertnier, były hiendyrektar «Urałkalija». Jaho zatrymlivali pa skandalnaj spravie ŭ Minsku1
Kamientary
Makron i Ursuła, kak prišli tak i ujdut.