Зяленскі ў Парыжы распавёў, чаму Украіна не можа пайсці на тэрытарыяльныя саступкі
«Калі заўтра мы нейкім чынам сыдзем з Данбасу, чаго не адбудзецца, мы адчынім Пуціну неабароненую прастору побач з паўтарамільённым горадам Харкавам. Ён таксама захапіў бы прамысловы цэнтр Дняпро», — сказаў прэзідэнт Украіны.
Прэзідэнт Украіны Уладзімір Зяленскі заявіў, што тэрытарыяльныя саступкі Украіны, на якія ўкраінцы не могуць пагадзіцца, прывядуць толькі да таго, што кіраўнік Расіі Уладзімір Пуцін выкарыстае захопленыя тэрыторыі як пляцдарм для нападу на Еўропу, калі яна не стане моцнай. Пра гэта ён заявіў у інтэрв’ю выданню Le Point, паведамляе «Украінская праўда».:
«Некаторыя СМІ сцвярджаюць, што калі ўкраінскія салдаты сыдуць з усходніх рэгіёнаў нашай краіны, то там адновіцца мір. Але гэта няпраўда. Пуцін захапіў Крым, каб выкарыстаць яго як пляцдарм для акружэння поўдня. У 2014 годзе ён захапіў частку ўсходу нашай краіны, каб выкарыстаць яго як пляцдарм для поўнай акупацыі гэтых рэгіёнаў. Калі заўтра мы нейкім чынам сыдзем з Данбасу, чаго не адбудзецца, мы адчынім Пуціну неабароненую прастору побач з паўтарамільённым горадам Харкавам. Ён таксама захапіў бы прамысловы цэнтр Дняпро. Гэта адчыніла б для яго новыя магчымасці», — сказаў прэзідэнт Украіны.
Паводле Зяленскага, еўрапейцам варта мысліць у іншым маштабе і ўявіць, што было б, калі б Пуціну ўдалося рэалізаваць яго першапачатковы план — захапіць усю Украіну.
«Калі б Пуціну ўдалося захапіць усю нашу краіну, ён выкарыстаў бы яе гэтак жа — як пляцдарм. Зробіць ён гэта ці не, будзе залежаць ад таго, наколькі моцнай будзе Еўропа. Калі Еўропа моцная — ён, верагодна, нічога не зробіць, але калі яна слабая, то пацерпіць ад дзеянняў Расіі», — заявіў палітык.
Цяпер чытаюць
Андрэй Павук уладкаваўся кіроўцам тралейбуса ў Вільні і расказаў, як яно17
Каментары
Макрон и Урсула, как пришли так и уйдут.