Biarozaviec pry raździele majomaści daznaŭsia, što kupiŭ aŭtamabil ź pierabitym VIN-numaram
Źniać z uliku aŭtamabil «Mercedes» 52‑hadovamu žycharu Biarozy nie ŭdałosia.
Padčas pravierki identyfikacyjnaha numara ŭ supracoŭnika DAI ŭźnikli sumnieńni ŭ jaho sapraŭdnaści. Mužčyna patłumačyŭ, što nabyŭ aŭtamabil dva hady tamu ŭ inšym horadzie. Dla daśledavańnia markirovačnaha abaznačeńnia aŭtamabil nakiravali na ekśpiertyzu.
Ekśpiert upraŭleńnia Dziaržkamiteta sudovych ekśpiertyz pa Bresckaj vobłaści paćvierdziŭ sumnieńni— VIN-numar aŭtamabila «Mercedes» byŭ źmienieny.
Śpiecyjalist ustanaviŭ, što šlacham vydaleńnia markiravanaj detali z nastupnym uvarvańniem na jaje miesca novaj, a taksama zamienaj asnoŭnaj tablički na tuju, jakaja znachodzicca na aŭtamabili ciapier, było źmieniena markirovačnaje abaznačeńnie. Ekśpiert taksama ŭstanaviŭ pieršapačatkovaje značeńnie identyfikacyjnaha numara.
Bolš za toje, Mercedes byŭ sabrany z troch roznych aŭtamabilaŭ.
Uładalnik aŭtamabila raspavioŭ, što dzielić majomaść z žonkaj i źbiraŭsia pradać transpartny srodak. Pra toje, što mohuć uźniknuć pytańni ź identyfikacyjnym numaram, mužčyna nie viedaŭ. Pavodle jaho słoŭ, za čas vałodańnia aŭtamabilem jon nie pravodziŭ nijakich kuzaŭnych rabot i nie źmianiaŭ numar kuzava.
Ciapier čytajuć
Na aŭtašou ŭ Lidzie ledź nie zahinuŭ adzin z samych znakamitych kaskadzioraŭ Biełarusi — jaho videa sabrali amal paŭmiljarda prahladaŭ. Što ź im ciapier?4
Kamientary