Prybliznyja terminy, kali minčuki pierastanuć skardzicca na niepryjemnyja pachi ad ačyščalnych zbudavańniaŭ, nazvaŭ staršynia Minharvykankama Uładzimir Kucharaŭ.
Bolš za ŭsio ad hetaha pakutujuć žychary Leninskaha i Zavodskaha rajonaŭ stalicy.
Pavodle słoŭ mera, usio zaležyć ad svoječasovaha zaviaršeńnia rekanstrukcyi ačyščalnych zbudavańniaŭ. A heta pytańnie niaprostaje, bo nielha adnačasova zakryć usie zbudavańni, piša Tochka.by.
«Pracujučy pa čarzie: zaviaršajem adny reziervuary, budujem inšyja. Dumaju, usio pavinna atrymacca, i ŭ 2028 hodzie my zavieršým rekanstrukcyju ŭ poŭnym abjomie. Ciapier usie adkrytyja reziervuary nakryvajucca», — zajaviŭ Kucharaŭ.
Jašče adnoj pryčynaj niepryjemnych pachaŭ u stalicy staršynia Minharvykankama nazvaŭ iłavy asadak. Dziakujučy hetamu kampanientu pracesu ačystki ściokavyja vody stanoviacca prydatnymi dla viartańnia ŭ navakolnaje asiarodździe. Na staličnych ačyščalnych zbudavańniach štohod utvarajecca bolš za 200 tys. ton hetaha rečyva.
Pakul iłavy asadak vyvoziać na 80—90 km ad Minska. Akramia darahoŭli hetaha pracesu, isnuje jašče adna prablema — niezadavolenaść žycharoŭ tych miescaŭ, dzie składujuć iłavy asadak.
Taksama pryniata rašeńnie pabudavać zavod pa jaho pierapracoŭcy. Budaŭnictva ŭžo pačynajecca. Na abjekcie iłavy asadak buduć vysušvać i spalvać dla atrymańnia elektraenierhii.
Minskija ačyščalnyja zbudavańni hłabalna rekanstrujujuć. Niahledziačy na ramont, stancyja dahetul častkova pracuje. Rekanstrukcyja idzie z apiaredžańniem hrafika, zapeŭnili ŭ Minharvykankamie.
Pavodle słoŭ staršyni kamiteta budaŭnictva i inviestycyj Minharvykankama Iryny Hontaravaj, sioleta płanujecca ŭvieści ŭ ekspłuatacyju dva etapy budaŭnictva.
Ciapier čytajuć
Na aŭtašou ŭ Lidzie ledź nie zahinuŭ adzin z samych znakamitych kaskadzioraŭ Biełarusi — jaho videa sabrali amal paŭmiljarda prahladaŭ. Što ź im ciapier?3
Kamientary