U Biełarusi płanujecca pradavać žyllo ŭ lizinh

U Biełarusi płanujecca pradavać žyllo ŭ lizinh. Takaja norma praduhledžana ŭ prajekcie zakona «Ab uniasieńni dapaŭnieńniaŭ i źmianieńniaŭ u Hramadzianski kodeks Respubliki Biełaruś»,

paviedamiŭ namieśnik staršyni Pastajannaj kamisii Pałaty pradstaŭnikoŭ Nacyjanalnaha schodu pa biudžecie i finansach Uładzimir Šyćko.

«Norma, jakaja źmieščana ŭ hetym prajekcie zakona, dazvolić pradastavić hramadzianam Biełarusi mahčymaść vykarystoŭvać miechanizm lizinhu dla nabyćcia majomaści, naprykład, žylla, aŭtamabilaŭ, bytavoj techniki i hetak dalej. Raniej takaja pasłuha była dastupna tolki fizičnym asobam, jakija ažyćciaŭlajuć pradprymalnickuju dziejnaść», — adznačyŭ deputat.

Na jaho dumku, heta mahčymaść dazvolić mnohim vyrašyć svajo kvaternaje pytańnie. «Nie kožny moža za adzin raz vypłacić uvieś košt žylla. Kab nabyć nieruchomuju majomaść u lizinh, dastatkova spačatku ŭnieści peŭnuju sumu ad ahulnaha koštu kuplajemaj majomaści, zvyčajna jon nie nižejšy za 25-30 pracentaŭ, a potym štomiesiac ažyćciaŭlać vypłaty ŭ pamierach, praduhledžanych dahavoram ź lizinhadaŭcam», — rastłumačyŭ Uładzimir Šyćko. Termin, za jaki nieabchodna vypłacić košt majomaści poŭnaściu, taksama budzie vyznačacca ŭmovami dahavora ź lizinhadaŭcam.

U prajekcie zakona praduhledžana, što lizinhadaviec maje prava vykarystoŭvać pradmiet lizinhu ŭ jakaści pradmieta załohu dla zabieśpiačeńnia vykanańnia abaviazacielstvaŭ pa zaklučanym dahavory.

Uładzimir Šyćko paviedamiŭ, što lizinhavuju dziejnaść zmohuć ažyćciaŭlać lizinhavyja arhanizacyi, uklučanyja ŭ rejestr takich arhanizacyj, a taksama jurydyčnyja asoby i indyvidualnyja pradprymalniki biez uklučeńnia ŭ hety rejestr. «Takim čynam, kali IP zajmajecca realizacyjaj, naprykład, składanaj bytavoj techniki, jon taksama zmoža pradavać jaje ŭ lizinh. Pry hetym ni indyvidualnyja pradprymalniki, ni lizinhavyja arhanizacyi, uklučanyja ŭ rejestr, nie pavinny hetaha rabić u abaviazkovym paradku, a tolki pa ŭłasnym žadańni. Naprykład, kali vytvorca abo pradaviec budzie bačyć, što ŭ jaho ŭźnikli składanaści z prodažam, to častku tavaru jon moža realizavać u lizinh. Kali ŭ zabudoŭščyka hatovy kuplać kvatery za poŭny košt, to jamu nie treba vykarystoŭvać lizinhavyja miechanizmy. U hetym vypadku rynak budzie dyktavać umovy raboty», — skazaŭ jon.

Parłamientaryj ličyć, što paŭnacennaje ŭkaranieńnie lizinhu dla fizičnych asob źnizić nahruzku na bankaŭskuju sistemu pa kredytavańni ekanomiki. Na jaho dumku, nabyćcio hramadzianami nieruchomaj majomaści i pradmietaŭ praciahłaha karystańnia na ŭmovach lizinhu moža stać alternatyŭnaj krynicaj zadavalnieńnia popytu nasielnictva na doŭhaterminovaje finansavańnie. «Kali lizinh zapracuje ŭ poŭnym abjomie, u bankaŭ źjavicca mahčymaść źmienšyć kredytavańnie hramadzian. Taksama praź lizinh bolš intensiŭna budzie realizoŭvacca pradukcyja ajčynnych vytvorcaŭ, źniziacca składskija zapasy, źjavicca mahčymaść poŭnaściu zahruzić vytvorčyja mahutnaści pradpryjemstvaŭ, takim čynam źnizicca ich patrebnaść u bankaŭskich kredytach», — adznačyŭ Uładzimir Šyćko.

Prajekt zakona raspracavany ŭ adpaviednaści z ukazam ad 25 lutaha 2014 hoda numar 99 «Ab pytańniach rehulavańnia lizinhavaj dziejnaści». Dakumient budzie razhledžany na asieńniaj siesii Pałaty pradstaŭnikoŭ Nacyjanalnaha schodu Biełarusi.

• 0
• 0
• 0
• 0
• 0
• 0
• 0
• 0