Samy darahi dom u sakaviku nabyli ŭ elitnym pasiołku pad Minskam
U vioscy Marjaliva pad Minskam kupili dom za 2,4 miljona dalaraŭ. Katedž akazaŭsia samym darahim domam, pradadzienym u Biełarusi ŭ minułym miesiacy, piša Realt.by.
Marjaliva raźmiaściłasia za 12 kiłamietraŭ ad Minska ŭ kirunku Łahojska. Vioska, viadomaja jašče z XIX stahodździa (tady heta byŭ Maryjavil), ciapier dzielicca na niekalki častak. U staroj jašče možna znajści zvyčajnyja viaskovyja chaty, a voś u novaj raźmiaścilisia vyklučna katedžy. Elitny pasiołak niedaloka ad trasy na Viciebsk pačaŭ farmavacca jašče ŭ 1990‑ch hadach.
Mienavita ŭ prestyžnaj častcy Marjaliva (jaje jašče nazyvajuć «carskim siałom») znachodzicca samy darahi dom sakavika. Im staŭ błočny katedž 2016 hoda pabudovy płoščaj 400 ź lišnim kvadrataŭ. Za dom u atačeńni lesu zapłacili 2,4 miljona dalaraŭ. Mietr atrymaŭsia pa 5429 dalaraŭ.
Ciapier, darečy, u Marjalivie pradajecca jašče kala 15 damoŭ. Siarod varyjantaŭ jość jak ścipłyja pa miascovych mierkach damy pa 800 tysiač rubloŭ (abo 280 tysiač dalaraŭ), tak i asabniaki pa 8,7 miljona rubloŭ (abo 3 miljony dalaraŭ).
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać
Samy darahi dom u Biełarusi ŭ lutym kupili za 620 tysiač dalaraŭ
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ
Biełarus zrabiŭ vintažny ramont u 178‑hadovaj kvatery ŭ styli «babušatnik» i robić na joj biznes. Pahladzicie, jak vyjšła
Ciapier čytajuć
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary