Самы дарагі дом у сакавіку набылі ў элітным пасёлку пад Мінскам
У вёсцы Мар’яліва пад Мінскам купілі дом за 2,4 мільёна даляраў. Катэдж аказаўся самым дарагім домам, прададзеным у Беларусі ў мінулым месяцы, піша Realt.by.
Мар’яліва размясцілася за 12 кіламетраў ад Мінска ў кірунку Лагойска. Вёска, вядомая яшчэ з XIX стагоддзя (тады гэта быў Марыявіль), цяпер дзеліцца на некалькі частак. У старой яшчэ можна знайсці звычайныя вясковыя хаты, а вось у новай размясціліся выключна катэджы. Элітны пасёлак недалёка ад трасы на Віцебск пачаў фармавацца яшчэ ў 1990‑х гадах.
Менавіта ў прэстыжнай частцы Мар’яліва (яе яшчэ называюць «царскім сялом») знаходзіцца самы дарагі дом сакавіка. Ім стаў блочны катэдж 2016 года пабудовы плошчай 400 з лішнім квадратаў. За дом у атачэнні лесу заплацілі 2,4 мільёна даляраў. Метр атрымаўся па 5429 даляраў.
Цяпер, дарэчы, у Мар'яліве прадаецца яшчэ каля 15 дамоў. Сярод варыянтаў ёсць як сціплыя па мясцовых мерках дамы па 800 тысяч рублёў (або 280 тысяч даляраў), так і асабнякі па 8,7 мільёна рублёў (або 3 мільёны даляраў).
У чым прычына незадаволенасці жыхароў мікрараёна Лебядзіны ў Мінску? Вось што насамрэч там планавалі будаваць
Самы дарагі дом у Беларусі ў лютым купілі за 620 тысяч даляраў
Як выглядае стылёвы дом новай рэктаркі Акадэміі мастацтваў коштам паўмільёна даляраў
Беларус зрабіў вінтажны рамонт у 178‑гадовай кватэры ў стылі «бабушатнік» і робіць на ёй бізнэс. Паглядзіце, як выйшла
Каментары