«Я проста хачу зладзіць па-сапраўднаму вясёлую вечарыну, каб усе маглі выдатна правесці час і атрымаць асалоду ад моманту».
Беларуская тэнісістка, першая ракетка свету Арына Сабаленка распавяла пра падрыхтоўку да вяселля з Георгіёсам Франгулісам, адзначыўшы, што ўрачыстасць плануе правесці ў Грэцыі.
«Я проста захоўваю розныя рэчы. У мяне ёсць папка для вяселляў у сацыяльнай сетцы, і я дадаю туды натхняльныя ідэі, якія мне падабаюцца. Вось на якім этапе мы цяпер знаходзімся. Георгіёс (Франгуліс, жаніх Арыны Сабаленкі) вельмі мудра паступае ў гэтым плане — ён дазваляе мне вырашаць, чаго я хачу. Ёсць толькі некалькі рэчаў, пра якія ён кажа: «Добра, вось гэта абавязкова павінна быць», а я адказваю: «Так, добра, без праблем».
Пакуль мы плануем арганізаваць яе ў Грэцыі. Я проста хачу зладзіць па-сапраўднаму вясёлую вечарыну, каб усе маглі выдатна прабавіць час і атрымаць асалоду ад моманту. Вось і ўсё, і я вельмі спадзяюся, што так яно і будзе. Не ведаю, ці добрая гэта ідэя — весці прамую трансляцыю з Грэцыі, бо мне здаецца, што я буду піць, ды і на сталах напэўна будзе алкаголь. Само сабой, там будзе шмат «Маргарыты», — сказала Сабаленка ў інтэрв’ю Tennis Channel.
Раней Арына казала, што пасля шлюбу хоча захаваць сваё прозвішча.
«У мяне будзе маё прозвішча. У мяне ёсць свая гісторыя і, дзякуй богу, мяне разумеюць. Мне хочацца прозвішча майго бацькі ўпісаць у гісторыю», — казала першая ракетка свету.
Яе тата Сяргей Сабаленка памёр ва ўзросце 44 гадоў, калі дачцэ было 23 гады, і гэта была трагедыя.
«Але калі ў нас калі-небудзь будуць дзеці, там будзе барацьба. Але я ўжо прайграю ў гэтай бітве, так што дзеці, напэўна, будуць Франгулісы», — казала Арына.
28‑гадовая Сабаленка і 37‑гадовы бразільскі прадпрымальнік грэцкага паходжання, заснавальнік сеткі Oakberry Георгіяс Франгуліс абвясцілі пра заручыны ў сакавіку.
Чым цяпер займаюцца дзяўчаты, якіх летась назвалі самымі прыгожымі ў Беларусі?9
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары
Таму што гэта радзіма маладога.