Фонд «Камунікат» выдаў кнігу Віктара Шадурскага «Зямля пад шэрымі крыламі. Рэспубліка Беларусь: суіснаванне і канфлікт аўтарытарнай улады і грамадзянскай супольнасці (лістапад 1996 — жнівень 2020 гг.)», паведамляе Bellit.info.
У манаграфіі аналізуюцца ключавыя аспекты гісторыі Беларусі ў перыяд з лістапада 1996 года да жніўня 2020-га. Аўтар даследуе працэс суіснавання і канфлікту паміж аўтарытарнай уладай і грамадзянскай супольнасцю, разглядае палітыку рэжыму ў розных дзяржаўных сферах, а таксама намаганні беларускага грамадства, скіраваныя на дэмакратычную трансфармацыю краіны.
У цэнтры ўвагі знаходзіцца працэс паступовай кансалідацыі і ўзмацнення адміністратыўнага і рэпрэсіўнага апарату, што дазволіла ўладзе задушыць масавыя пратэсты 2020 года. Асобная ўвага надаецца аналізу непразрыстасці выбарчай сістэмы ў Беларусі, эвалюцыі сацыяльна-эканамічнай мадэлі, а таксама асноўным напрамкам знешняй палітыкі дзяржавы.
Выданне можна замовіць на сайце Kamunikat.shop, а таксама купіць у кнігарні ў Варшаве.
Цяпер чытаюць
Герой Беларусі Марына Васілеўская нарадзіла дачку ад касманаўта Алега Навіцкага26
Каментары