Крэмль адрэагаваў на прапанову Уладзіміра Зяленскага сустрэцца ў Канстанцінаўцы, пра «поўны кантроль» над якой расійскі бок заяўляў напярэдадні. Прэс-сакратар Пуціна Дзмітрый Пяскоў заявіў, што расійскі лідар гатовы да сустрэчы, але выключна на сваёй тэрыторыі — у Маскве, а не ў прыфрантавой зоне.
Каментуючы ініцыятыву ўкраінскага лідара, Пяскоў адзначыў, што Расія вітае гатоўнасць Зяленскага прыехаць, аднак месцам для сустрэчы павінна быць расійская сталіца.
«Усё ж такі сталіцай РФ з'яўляецца Масква, а не Канстанцінаўка. Таму ён можа прыехаць у Маскву, як толькі будзе гатовы прыняць важныя адказныя рашэнні», — заявіў прэс-сакратар расійскага прэзідэнта.
Як мы пісалі раней, Уладзімір Зяленскі прапанаваў Пуціну сустрэцца ў Канстанцінаўцы ў адказ на заявы расійскага боку аб нібыта захопе гэтага горада.
Прэзідэнт Украіны падкрэсліў, што калі б населены пункт сапраўды знаходзіўся пад кантролем Расіі, Пуцін змог бы прыехаць туды для пошуку дыпламатычных рашэнняў па спыненні вайны.
«Але ён усё ж не перасякае лінію фронту: праўда вельмі адрозніваецца ад слоў Пуціна», — адзначыў Зяленскі, назваўшы заявы аб захопе «чарговай расійскай хлуснёй».
Напярэдадні Расія абвясціла аб усталяванні кантролю над Канстанцінаўкай у Данецкай вобласці. Генеральны штаб Украіны гэтыя заявы абвяргае.
-
Загінуў генерал, якому толькі паўмесяца таму далі Героя Расіі. Гэты 17‑ы забіты расійскі генерал. Украіна не страціла ніводнага
-
Білецкі пацвердзіў украінскі наступ пад Ліманам і расказаў некалькі дэталяў
-
Дарога дадому, якая пакуль вядзе праз фронт. У Кіева-Пячэрскай лаўры паказваюць гісторыю Палка Каліноўскага
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся3
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну77
Каментары