Замест пенсіі — калонія. 72‑гадовага беларускамоўнага айцішніка асудзілі па цяжкіх палітычных артыкулах
Аляксандр Катлянік доўгі час быў звязаны з гандлем, а на пенсіі стаў індывідуальным прадпрымальнікам у сферы праграмавання. Але спакойнай старасці не атрымалася — мінчука кінулі за краты за «ўдзел у экстрэмісцкім фармаванні» і «заклікі да прычынення шкоды Беларусі».
Аляксандр Катлянік нарадзіўся 30 снежня 1953 года. Па звестках Белпол, больш за 20 гадоў ён быў у бізнэсе. З 1990‑х па 2008‑ы Аляксандр быў намеснікам дырэктара ТАА «Ліцьвін», якая займалася раздробным гандлем. Адтуль перайшоў у ТАА «Экспатэхпрам» і ТАА «ПрамПошук», якія спецыялізаваліся на аптовым гандлі нехарчовымі таварамі.
У кастрычніку 2018 года Аляксандр зарэгістраваўся як індывідуальны прадпрымальнік. У якасці асноўнага віду дзейнасці ён абраў камп'ютарнае праграмаванне. Гэта даволі рэдкі і натхняльны выпадак — Катляніку тады было 65 гадоў.
У жыцці Аляксандр карыстаўся беларускай мовай — прынамсі, пры кантактаванні ў інтэрнэце і падчас замоў у інтэрнэт-крамах.
Аднак працу і спакойнае жыццё перапыніў палітычны пераслед. Мінскі гарадскі суд асудзіў Аляксандра паводле ч. 3 арт. 361 (заклікі да дзеянняў на шкоду нацыянальнай бяспецы) і ч. 3 арт. 361‑1 (удзел у экстрэмісцкім фармаванні). Яму пагражала да 12 гадоў калоніі.
Цяпер пажылы праграміст за кратамі. Яму прысудзілі калонію, але тэрмін і акалічнасці справы невядомыя.
«Наша Нiва» — бастыён беларушчыны
ПАДТРЫМАЦЬЦяпер чытаюць
Былы палітвязень знайшоў у Вільні падпрацоўку ў чаце — і трапіў пад крыміналку за правакацыі супраць Украіны1
Каментары
Санкции НИКАК не сказываются на личном благополучии таракана и его семейки. Факт.
И напоследок: людей сажали пачками до того как США начали переговоры с лукашистами. При этом почти никого не выпускали. Feel the difference.
Резюме: ваши прогоны - набор пустых лозунгов, рассчитанных на обывателей, губошлёпов и неадекватов.