Камандаванне вайскова-марскіх сіл Ірана: Армузскі праліў ужо ніколі не вернецца да свайго ранейшага стану
У камандаванні вайскова-марскіх сіл Ірана пракаментавалі сітуацыю з Армузскім пралівам.
«Армузскі праліў ужо ніколі не вернецца да свайго ранейшага стану, асабліва для Амерыкі і Ізраіля. Вайскова-марскія сілы Корпуса вартавых ісламскай рэвалюцыі завяршаюць аператыўную падрыхтоўку ў рамках абвешчанага плана іранскіх афіцыйных асоб па ўсталяванні новага парадку ў Персідскім заліве», — гаворыцца ў паведамленні.
Учора Дональд Трамп анансаваў пекла ў Іране ўжо заўтра ў аўторак, калі Іран не аддасць праліў.
«У аўторак у Іране будзе «Дзень электрастанцый» і «Дзень мастоў» — усё ў адным. Нічога падобнага яшчэ не было!!! Адкрыйце гэты чортавы праліў, шалёныя вырадкі», альбо вы будзеце жыць у Пекле — проста глядзіце! Хвала Алаху!» — напісаў ён учора.
Да пачатку вайны ЗША і Ізраіля з Іранам (28 лютага) праз Армузскі праліў праходзіла каля пятай часткі сусветных паставак нафты. З пачаткам вайны Іран фактычна закрыў праход праз праліў. У канцы сакавіка Іран заявіў, што «варожым» краінам будзе і далей забаронена карыстацца пралівам.
Першы раз Трамп даваў Ірану 48 гадзін на адкрыццё Армузскага праліву 21 сакавіка. Тады ён заявіў, што пасля заканчэння гэтага тэрміну ЗША знішчаць найбуйнейшыя электрастанцыі Ірана.
Свецкае жыццё Дар’і Шманай: дні нараджэння дзяцей Кіркорава і Comedy Club4
Каментары
все представляют себя крутыми мачо, особенно друг перед другом, а по-факту трусливые шестёрки.
останавливаться нельзя. додавливать эту раковую опухоль надо.