Індыйскія вайсковыя караблі пачалі суправаджаць танкеры ў Армузскім праліве
Індыйскія вайсковыя караблі пачалі суправаджаць танкеры ў Армузскім праліве, каб гарантаваць бяспеку транспартавання нафты і газу, паведамляе выданне The Economic Times.
Асаблівая ўвага надаюцца двум танкерам дзяржаўнай кампаніі Shipping Corporation of India — Shivalik і Nanda Devi, якія перавозяць звадкаваны газ. Пад аховай ВМС Індыі абодва судны бяспечна прайшлі праліў і цяпер рухаюцца да Індыі.
Як паведамляе The Economic Times, індыйскі флот падтрымлівае пастаянную прысутнасць у Армузскім праліве. Вайсковыя караблі наглядаюць за гандлёвымі суднамі, што накіроўваюцца ў індыйскія порты. Гэтая місія ўваходзіць у склад «Аперацыі Санкалп», якую індыйскі флот пачаў 19 чэрвеня 2019 года для абароны сваіх суднаў у рэгіёне Персідскага заліва. З пачатку аперацыі ў Аманскім і Персідскім залівах задзейнічана ўсяго 23 вайсковыя караблі.
Армузскі праліў з’яўляецца адным з ключавых маршрутаў транспартавання нафты і газу, і цяпер на суднах у гэтым рэгіёне працуе каля 23 000 індыйскіх маракоў.
Раней паведамлялася, што кошт расійскай нафты Urals, якая пастаўляецца ў Індыю, дасягнуў чатырохгадовага рэкорду — 98,93 даляра за бараль у заходніх партах Індыі, у той час як у Расіі нафта каштавала 73,73 даляра за бараль. Падняцце гэтых цэнаў звязана з агульным павелічэннем сусветных цэн на нафту на фоне вайны на Блізкім Усходзе.
У Еўрасаюзе разглядаюць магчымасць змены мандата сваёй вайскова-марской місіі на Блізкім Усходзе
Вялікабрытанія і Германія адмовіліся адпраўляць караблі ў Армузскі праліў
Трамп: Калі НАТА адмовіцца дапамагаць з Армузскім пралівам, Альянс чакае «вельмі дрэнная будучыня»
Вайна з Іранам — залатая жыла для амерыканскіх нафтавікоў
Міністр замежных спраў Ірана: Армузскі праліў закрыты толькі для ворагаў, астатнія могуць праходзіць
Цяпер чытаюць
Колькі беларусаў атрымалі польскае грамадзянства за апошні час. Лічбы ўражваюць36
Каментары