Улады Ірана прызналі, што новы вярхоўны лідар паранены — пералом ступні і парэзы на твары
Міністэрства замежных спраў Ірана пацвердзіла, што новы вярхоўны лідар Маджтаба Хаменеі паранены, але адчувае сябе добра.
Пра раненне Маджтабы Хаменеі спачатку напісала New York Times са спасылкай на іранскія крыніцы. Тады паведамлялася пра раненне ног.
CNN паведаміла, што ў 56‑гадовага Маджтабы Хаменеі пералом ступні, а таксама сіняк каля левага вока і невялікія парэзы на твары. Раней ізраільская крыніца сцвярджала, што ён быў паранены падчас замаху на яго жыццё.
Пасол Ірана на Кіпры Алірэза Саларыян заявіў, што Хаменеі атрымаў раненні падчас таго ж авіяўдару, у выніку якога загінуў ягоны бацька — 86‑гадовы былы вярхоўны лідар аятала Алі Хаменеі — разам яшчэ з пяццю членамі сям’і.
З моманту абвяшчэння 9 сакавіка пра яго абранне вярхоўным лідарам Маджтаба Хаменеі не з’яўляўся публічна. Паводле дыпламата, гэта можа тлумачыцца яго траўмамі. Пры гэтым сын прэзідэнта Ірана Масуда Пезешкіяна заявіў, што новы кіраўнік краіны знаходзіцца ў бяспецы і сур’ёзных прычын для клопату адносна яго стану няма.
Іранскія дзяржаўныя СМІ пакуль выкарыстоўваюць архіўныя відэа з удзелам Маджтабы Хаменеі, а таксама выявы, створаныя з дапамогай штучнага інтэлекту.
Стала вядома, якія траўмы атрымаў новы вярхоўны лідар Ірана
«Адсячэш адну галаву — вырастаюць новыя». Як кіраўніцтва Ірана пабудавала сістэму, якая дазваляе ўтрымліваць уладу
Новы вярхоўны лідар Ірана можа не з’яўляцца на публіцы з-за раненняў
Лукашэнка павіншаваў Маджтабу Хаменеі з абраннем Вярхоўным лідарам Ірана
Цяпер чытаюць
Брат беларускай каралевы прыгажосці трапіў у рэанімацыю ў Азербайджане6
Каментары
Ён мастак плёскаць языком.
Ён і Трампу падабаецца.
Спачатку яму знесці купмал, потым упакаваць, а потым падарыць. Яго нажаль прымуць толькі ў такім выглядзе, бо за 30+ год дастаў усіх.