Сікорскі: Украіна не гатовая да ўступлення ў ЕС у 2027 годзе з-за адсутнасці ключавых рэформ
Міністр замежных спраў Польшчы выказаўся наконт намаганняў Кіева зафіксаваць 2027 год як дату ўступлення ў ЕС у будучай міратворчай дамове.
Міністр замежных спраў Польшчы Радаслаў Сікорскі заявіў, што ўступленне Украіны ў Еўрапейскі Саюз патрабуе рэалістычнай ацэнкі гатоўнасці як Кіева, так і самога блоку, і выказаў сумнеў наконт фіксацыі 2027 года як даты далучэння. Пра гэта Радаслаў Сікорскі заявіў пасля сустрэчы міністраў замежных спраў краін ЕС у Бруселі, піша «Польскае радыё».
«Я заўсёды цаню крэатыўнае мысленне. Сам факт уступлення Украіны будзе вялікім выклікам як для самой Украіны, так і для Еўрапейскага Саюза, бо гэта вялікая краіна, але не вельмі багатая. Адначасова памятаем, што Украіна яшчэ не цалкам укараніла Пагадненне аб асацыяцыі. Так што крэатыўнае мысленне — гэта адно, а палітычныя рашэнні — гэта іншае», — сказаў міністр.
Ідзе гаворка аб абмеркаванні намаганняў Кіева зафіксаваць 2027 год як дату ўступлення ў ЕС у будучай міратворчай дамове. Прыхільніцай так званага «зваротнага членства» Украіны з'яўляецца старшыня Еўрапейскай камісіі Урсула фон дэр Ляен.
Гэтая канцэпцыя прадугледжвае, што Украіна спачатку становіцца поўнапраўным членам ЕС, а ўжо потым, у працэсе ўкаранення рэформаў, далучаецца да канкрэтных праграм супрацоўніцтва.
Гэта датычыцца, у тым ліку, палітыкі згуртаванасці і Сумеснай аграрнай палітыкі. Сікорскі падкрэсліў, што такі падыход з'яўляецца сур'ёзным працэдурным выклікам.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос8
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1414
Каментары
Уступленне ў ЕС павінна адбывацца па агульнай працэдуры, а не толькі праз тое, што Украіна ёсць ахвяра вайны.