Часопіс Forbes апублікаваў рэйтынг самых маладых мільярдэраў свету за 2025 год. У спіс увайшлі прадпрымальнікі ва ўзросце да 40 гадоў. Усяго ў рэйтынгу налічваецца 71 чалавек, а сумарны аб’ём іх капіталу дасягае 218 мільярдаў долараў — гэта рэкордная лічба з 2021 года.
Самымі маладымі мільярдэрамі сталі тры 22‑гадовыя сузаснавальнікі стартапу Mercor — амерыканцы Адарш Хірэмат, Брэндан Фудзі і Сур’я Мідха.
Кампанію, якая займаецца падборам персаналу з выкарыстаннем штучнага інтэлекту, яны заснавалі два гады таму, а ў кастрычніку 2025 года яе ацанілі ў 10 мільярдаў даляраў. Кожны з маладых прадпрымальнікаў цяпер мае каля 2,2 мільярда даляраў, што робіць іх самымі маладымі мільярдэрамі ў свеце, якія сваё багацце зарабілі самастойна.
У цэлым большасць удзельнікаў рэйтынгу зарабілі свае грошы ў сферы высокіх тэхналогій, а таксама ў фінансах і інвестыцыях. Пры гэтым поспех прыходзіў не толькі дзякуючы штучнаму інтэлекту.
Самым багатым мільярдэрам ва ўзросце да 40 гадоў, які сам стварыў свой капітал, стаў 38‑гадовы амерыканец Эдвін Чэн — заснавальнік і генеральны дырэктар ШІ-стартапа Surge AI. Ягонае багацце ацэньваецца ў 18 мільярдаў даляраў.
Другое месца заняў 38‑гадовы Ван Нін, заснавальнік кітайскай кампаніі Pop Mart International Group, чый капітал складае каля 15,7 мільярда даляраў. У 2025 годзе кошт акцый Pop Mart значна вырас з-за павелічэння папулярнасці яе калекцыйных цацак.
Амерыканская спявачка Беёнсэ ўвайшла ў клуб мільярдэраў
Ілан Маск стаў першым чалавекам у гісторыі з актывамі больш за 700 мільярдаў даляраў
Вялікабрытанія перадасць 2,5 мільярда фунтаў стэрлінгаў, якія Абрамовіч атрымаў ад продажу «Чэлсі», у фонд дапамогі Украіне
Кітайскія мільярдэры становяцца бацькамі дзясяткаў дзяцей у ЗША дзякуючы сурагатным маці. Адзін з іх заявіў пра 100 дзяцей
Цяпер чытаюць
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1010
Каментары