Заўтра чакаецца сустрэча Зяленскага і Трампа ў рэзідэнцыі апошняга ў Фларыдзе.
Прэзідэнт Украіны Уладзімір Зяленскі назваў «чырвоныя лініі» для Украіны ў мірных перамовах перад сустрэчай прэзідэнтаў у ЗША.
Гэта тэрытарыяльныя пытанні, ЗАЭС і гарантыі бяспекі.
Пра гэта паведамляе РБК-Украіна.
Зеленскі адзначыў, што ідзе праца над тым, каб была мінімальная колькасць няўзгодненых пытанняў.
«Безумоўна, ёсць «чырвоныя лініі» для Украіны, і я ўпэўнены, што ёсць кампрамісныя прапановы амерыканцаў, ведаем іх, ну і, напэўна, у ворага нашага таксама ёсць свае мэты. Усе гэтыя пытанні вельмі адчувальныя. Гэта і тэрыторыі, і ЗАЭС. Вы ведаеце маё стаўленне — юрыдычна мы нічога прызнаваць не будзем ні пры якіх умовах. Калі будзе абнаўленне падыходаў, безумоўна, перад той ці іншай пастановай мы будзем камунікаваць з народам», — заявіў ён.
Паводле ягоных слоў, пытанне абмеркавання з грамадствам: гэта рэферэндум ці іншыя заканадаўчыя змены.
«Але самае галоўнае — гэта гарантыі бяспекі. Акрамя тэрытарыяльных пытанняў, ЗАЭС, ёсць гарантыі бяспекі, якія для нас вельмі важныя», — удакладніў ён.
Украінская старана прадставіла абноўлены варыянт мірнага плана, які складаецца з 20 пунктаў. Дакумент базуецца на больш ранняй прапанове з 28 пунктаў, якую рыхтавала каманда Дональда Трампа. Сярод ключавых элементаў плана — ідэя стварэння дэмілітарызаванай «свабоднай эканамічнай зоны».
Рэакцыя Расіі пакуль застаецца стрыманай. У той жа час галоўным патрабаваннем Масквы, згодна з інфармацыяй, з’яўляецца адмова Украіны ад часткі Данецкай вобласці.
Прэзідэнт ЗША Дональд Трамп пракаментаваў будучы візіт прэзідэнта Украіны Уладзіміра Зеленскага з прапановай мірнага плана, адзначыўшы, што ўкраінскі лідар не зможа прасунуць свае ініцыятывы, пакуль яны не атрымаюць ухвалення з амерыканскага боку.
-
Прапагандыстка Лебедзева пахвалілася эксклюзівам з Марыупальскага тэатра, які Расія адбудавала з нуля, каб схаваць сляды ваеннага злачынства
-
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці
-
Расійскі дрон ударыў па аўтобусе з шахцёрамі на Днепрапятроўшчыне. Загінулі 15 чалавек
Цяпер чытаюць
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю33
Каментары
І што будзе, калі Пуцін не пагадзіцца на гэтыя "чырвоныя лініі"? Зяленскі і на далей працягне баявыя дзеянні? Так Пуціну гэта і трэба.