Zaŭtra čakajecca sustreča Zialenskaha i Trampa ŭ rezidencyi apošniaha ŭ Fłarydzie.
Prezident Ukrainy Uładzimir Zialenski nazvaŭ «čyrvonyja linii» dla Ukrainy ŭ mirnych pieramovach pierad sustrečaj prezidentaŭ u ZŠA.
Heta terytaryjalnyja pytańni, ZAES i harantyi biaśpieki.
Pra heta paviedamlaje RBK-Ukraina.
Zielenski adznačyŭ, što idzie praca nad tym, kab była minimalnaja kolkaść niaŭzhodnienych pytańniaŭ.
«Biezumoŭna, jość «čyrvonyja linii» dla Ukrainy, i ja ŭpeŭnieny, što jość kampramisnyja prapanovy amierykancaŭ, viedajem ich, nu i, napeŭna, u voraha našaha taksama jość svaje mety. Usie hetyja pytańni vielmi adčuvalnyja. Heta i terytoryi, i ZAES. Vy viedajecie majo staŭleńnie — jurydyčna my ničoha pryznavać nie budziem ni pry jakich umovach. Kali budzie abnaŭleńnie padychodaŭ, biezumoŭna, pierad toj ci inšaj pastanovaj my budziem kamunikavać z narodam», — zajaviŭ jon.
Pavodle jahonych słoŭ, pytańnie abmierkavańnia z hramadstvam: heta refierendum ci inšyja zakanadaŭčyja źmieny.
«Ale samaje hałoŭnaje — heta harantyi biaśpieki. Akramia terytaryjalnych pytańniaŭ, ZAES, jość harantyi biaśpieki, jakija dla nas vielmi važnyja», — udakładniŭ jon.
Ukrainskaja starana pradstaviła abnoŭleny varyjant mirnaha płana, jaki składajecca z 20 punktaŭ. Dakumient bazujecca na bolš rańniaj prapanovie z 28 punktaŭ, jakuju rychtavała kamanda Donalda Trampa. Siarod klučavych elemientaŭ płana — ideja stvareńnia demilitaryzavanaj «svabodnaj ekanamičnaj zony».
Reakcyja Rasii pakul zastajecca strymanaj. U toj ža čas hałoŭnym patrabavańniem Maskvy, zhodna ź infarmacyjaj, źjaŭlajecca admova Ukrainy ad častki Danieckaj vobłaści.
Prezident ZŠA Donald Tramp prakamientavaŭ budučy vizit prezidenta Ukrainy Uładzimira Zielenskaha z prapanovaj mirnaha płana, adznačyŭšy, što ŭkrainski lidar nie zmoža prasunuć svaje inicyjatyvy, pakul jany nie atrymajuć uchvaleńnia z amierykanskaha boku.
Ciapier čytajuć
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha6
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5050
Kamientary
I što budzie, kali Pucin nie pahadzicca na hetyja "čyrvonyja linii"? Zialenski i na dalej praciahnie bajavyja dziejańni? Tak Pucinu heta i treba.