«Мы ў 25 разоў большыя». Генсак НАТА заклікаў не перабольшваць вайсковы патэнцыял Пуціна
Краіны НАТА могуць эфектыўна стрымліваць Расію, бо маюць вайсковую і эканамічную перавагу над Масквой, заявіў генеральны сакратар Паўночнаатлантычнага альянсу Марк Рутэ.
«Мы ў 25 разоў большыя за Расію. Агульны аб'ём эканомікі NATO складае $50 трыльёнаў, а Расіі — $2 трыльёны. Гэта не больш, чым штат Тэхас», — сказаў Рутэ, адказваючы на пытанне карэспандэнта The Moscow Times.
Ён заклікаў «не пераацэньваць» вайсковы патэнцыял Расіі. Па словах генсака НАТА, расійскія пілоты «не атрымалі поспех у кіраванні» знішчальнікамі, а капітаны караблёў «не ведаюць, як апусціць якар».
Пры гэтым НАТА на працягу 70‑80 гадоў супрацьстаіць Расіі і ўмее правільна рэагаваць на правакацыі, падкрэсліў генеральны сакратар.
Ён таксама адзначыў, што сілы Паўночнаатлантычнага альянсу атрымалі паўнамоцтвы збіваць расійскія самалёты, якія ўрываюцца ў паветраную прастору краін блока, але толькі калі яны ўяўляюць пагрозу.
«Я думаю, што гэта важна, і рускія гэта ведаюць», — падкрэсліў Рутэ.
Ён заклікаў давяраць вайскоўцам альянсу, у якіх ёсць усё самае лепшае, і «не ўспрымаць занадта сур'ёзна расіян».
У той жа час Рутэ адзначыў неабходнасць выдаткоўваць больш сродкаў на абарону, бо Пуцін, як паказвае вайна ва Украіне, гатовы ахвяраваць мільёнам чалавек і напасці на краіны альянсу.
«Паляванне на найбліжэйшага механіка». Марк Рутэ пасмяяўся з Расіі праз паломку яе падводнай лодкі
НАТА паабяцала выкарыстоўваць для абароны ад Расіі ўсе сродкі
Марк Рутэ абвясціў пра запуск спецыяльнай праграмы НАТА для абароны ўсходняга флангу альянсу
Генсак НАТА: Эканоміка Расіі не большая за эканоміку Тэхаса, не трэба баяцца
Цяпер чытаюць
«Муж сышоў з Сіплым і Малым». Імаверна, пад Краматорскам украінцы адным махам убайдосілі трох беларускіх наёмнікаў19
Каментары
Спачатку Індыя, сёння камуністычная хан-Кітайская імерыя, І Турэччына наступная ў чарзе!
Ўсё так, але ж на вайне трохі іншыя законы, грашымамі немагчыма страляць, да і ваююць( і загібаюць) людзі, а не даляры. Я вось не ўпэўнены, што НАТА без ЗША здолелі б перамагчы Расею за кароткі час.