Кіраўнік Пентагона склікае сотні генералаў з усяго свету на экстранную нараду
Міністр абароны ЗША Піт Хегсэт загадаў на наступным тыдні сабраць на базе марской пяхоты ў Вірджыніі сотні генералаў і адміралаў, не тлумачачы прычыны. Пра гэта піша The Washington Post.
Паводле сведчанняў крыніц, такія распараджэнні атрымалі практычна ўсе вышэйшыя амерыканскія вайсковыя камандзіры па ўсім свеце — у званні ад брыгаднага генерала і вышэй, а таксама іх галоўныя вайсковыя дарадцы. У сустрэчы павінны ўзяць удзел камандзіры з зоны канфліктаў, а таксама з Еўропы, Блізкага Усходу і Азіяцка-Ціхаакіянскага рэгіёну.
Гэта вельмі незвычайны крок: нават суразмоўцы выдання не ўспомнілі выпадкаў, калі міністр абароны збіраў столькі вышэйшых афіцэраў адразу. Некаторыя адзначылі, што сітуацыя выклікала занепакоенасць з пункту гледжання пытанняў бяспекі, бо камандаванне на месцах можа аслабнуць, калі ўсе кіраўнікі будуць адсутнічаць.
У Пентагоне пацвердзілі, што Хегсэт выступіць перад вайсковым кіраўніцтвам, але ніякіх падрабязнасцяў гэтага не падалі.
5 верасня прэзідэнт Дональд Трамп падпісаў указ, які надаў Міністэрству абароны ЗША дадатковую афіцыйную назву — «Міністэрства вайны». Цяпер кіраўнік ведамства можа карыстацца і гэтым тытулам у афіцыйных і публічных камунікацыях.
Цяпер чытаюць
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары
Кремль считает, что операции Украины в Крыму были бы невозможны без поддержки НАТО, и, как следствие, Россия уже ввязалась в конфронтацию с участием европейских стран
-
Мир на пороге большого шухера....