Kiraŭnik Pientahona sklikaje sotni hienierałaŭ z usiaho śvietu na ekstrannuju naradu
Ministr abarony ZŠA Pit Chiehset zahadaŭ na nastupnym tydni sabrać na bazie marskoj piachoty ŭ Virdžynii sotni hienierałaŭ i admirałaŭ, nie tłumačačy pryčyny. Pra heta piša The Washington Post.
Pavodle śviedčańniaŭ krynic, takija rasparadžeńni atrymali praktyčna ŭsie vyšejšyja amierykanskija vajskovyja kamandziry pa ŭsim śviecie — u zvańni ad bryhadnaha hienierała i vyšej, a taksama ich hałoŭnyja vajskovyja daradcy. U sustrečy pavinny ŭziać udzieł kamandziry z zony kanfliktaŭ, a taksama ź Jeŭropy, Blizkaha Uschodu i Azijacka-Cichaakijanskaha rehijonu.
Heta vielmi niezvyčajny krok: navat surazmoŭcy vydańnia nie ŭspomnili vypadkaŭ, kali ministr abarony źbiraŭ stolki vyšejšych aficeraŭ adrazu. Niekatoryja adznačyli, što situacyja vyklikała zaniepakojenaść z punktu hledžańnia pytańniaŭ biaśpieki, bo kamandavańnie na miescach moža asłabnuć, kali ŭsie kiraŭniki buduć adsutničać.
U Pientahonie paćvierdzili, što Chiehset vystupić pierad vajskovym kiraŭnictvam, ale nijakich padrabiaznaściaŭ hetaha nie padali.
5 vieraśnia prezident Donald Tramp padpisaŭ ukaz, jaki nadaŭ Ministerstvu abarony ZŠA dadatkovuju aficyjnuju nazvu — «Ministerstva vajny». Ciapier kiraŭnik viedamstva moža karystacca i hetym tytułam u aficyjnych i publičnych kamunikacyjach.
Čarhovy skandał vakoł kiraŭnika Pientahona: Chiehset abmiarkoŭvaŭ udary pa Jemienie ŭ pryvatnym čacie z žonkaj i bratam
Kiraŭnik Pientahona zahadaŭ padrychtavać płan štohadovaha skaračeńnia abaronnaha biudžetu ZŠA na 8% ciaham piaci hadoŭ
Tramp siońnia pierajmienuje Ministerstva abarony ŭ Ministerstva vajny
Kamientary
Krieml sčitajet, čto opieracii Ukrainy v Krymu byli by nievozmožny biez poddieržki NATO, i, kak śledstvije, Rośsija užie vviazałaś v konfrontaciju s učastijem jevropiejskich stran
-
Mir na porohie bolšoho šuchiera....