Кіраўнік Пентагона загадаў падрыхтаваць план штогадовага скарачэння абароннага бюджэту ЗША на 8% цягам пяці гадоў
Міністр абароны ЗША Піт Хегсет загадаў кіраўніцтву Пентагона і ўзброеных сіл распрацаваць планы штогадовага скарачэння абароннага бюджэту на 8% на працягу наступных пяці гадоў. Пра гэта паведаміла газета The Washington Post са спасылкай на мемарандум Гегсета і чыноўнікаў, знаёмых з пытаннем.
У мемарандуме Хегсет просіць падрыхтаваць варыянты скарачэнняў выдаткаў Пентагона да 24 лютага і прыводзіць спіс з 17 катэгорый, якія адміністрацыя Трампа хоча выключыць з бюджэту.
«Сярод іх — аперацыі на паўднёвай мяжы ЗША, мадэрнізацыя ядзернай зброі і супрацьракетнай абароны, а таксама набыццё беспілотнікаў аднабаковага дзеяння і іншых боепрыпасаў», — гаворыцца ў паведамленні.
Адзначаецца, што гэтыя меры з'яўляюцца часткай стратэгіі адміністрацыі Трампа па зніжэнні ваенных выдаткаў на працягу наступных пяці гадоў.
Скарачэнне бюджэту на 8 працэнтаў штогод на працягу пяці гадоў азначае, што за гэты перыяд ён павінен зменшыцца на прыкладна 34%. Гэта стане самым вялікім скарачэннем з 2013 года.
Як адзначае The Washington Post, у Кангрэсе існуе шырокі кансэнсус адносна таго, што значныя абаронныя выдаткі неабходныя для стрымлівання пагрозаў, у прыватнасці з боку Кітая і Расіі.
Бюджэт Пентагона на 2025 год складае каля 850 мільярдаў долараў.
Цяпер чытаюць
У Мінску завяршылі будаўніцтва пяцізоркавага гатэля на месцы колішняга «Белэкспа»8
У Мінску завяршылі будаўніцтва пяцізоркавага гатэля на месцы колішняга «Белэкспа»
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары