Міністэрства замежных спраў Беларусі пацвердзіла інфармацыю аб здарэнні з грамадзянамі Рэспублікі Беларусь у Крыме. У ведамстве паведамілі, што пацярпелых двое, і яны атрымалі раненні сярэдняй цяжкасці.
«Згодна з удакладненымі звесткамі, двое пацярпелых атрымалі раненні сярэдняй ступені цяжкасці», — паведаміў МЗС.
Беларускія дыпламаты знаходзяцца ў кантакце з праваахоўнымі органамі і медыцынскімі ўстановамі.
«Пры неабходнасці грамадзянам будзе аказана ўсебаковая падтрымка», — адзначылі ў ведамстве.
Іншых падрабязнасцяў пра асоб, што былі паранены ў Крыме, МЗС не прывяло.
ТАСС даводзіць, што гэта турысты, што гулялі каля мора.
Расійскі кіраўнік акупаванага Крыма Сяргей Аксёнаў ноччу заявіў пра гібель 3 і раненні 16 чалавек у раёне Фароса.
Украінцы паведамлялі, што беспілотнікі знішчылі рэстаран у элітным крымскім санаторыі «Фарос», які ўчоры быў закрыты на спецабслугоўванне, бо там маглі быць «важныя госці».
Таксама ГУР Украіны сёння заявіў пра знішчэнне двух самалётаў-амфібій і верталёта, суправадзіўшы гэта відэа.
Цяпер чытаюць
Беларускага Сінюю Бараду адпусцілі з расійскай турмы паміраць дома2
Беларускага Сінюю Бараду адпусцілі з расійскай турмы паміраць дома
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу1313
Каментары
Званні, прозвішчы, месца працы?